Aquario

Aquario esas instaluro kontenanta aquo, en qua on entratenas animali (ordinare fishi ed/od anfibii, ma anke senvertebra animali, exemple moluski) e planti aquala. Ordinare, aquarii havas adminime un latero transparenta, e granda surfaci di vitro od akrilo qui permisas vidar l'animali e planti interne li.

Sharko habitanta granda aquario en Georgia, Usa.

Domala aquario kun lampi sur ol, por permisar la fotosintezo dil algi.

L'aquo en ula aquario povas esar dolca, saloza o salozeta, segun la tipo di ekosistemo ibe reprezentata. La moderna aquarii aparis dum la 18ma yarcento, kande l'ideo pri kolektar animali e precipue aquala planti por observar li e montrar a viziteri komencis populareskar. Por impedar la morto di fishi e planti kande la quanto di oxo diluata en l'aquo diminutas, on bezonas ofte uzar aeropumpili od altra mekanismi por suflar aero od agitar l'aquo, e/o stimular la fotosintezo di algi uzanta lumizili.