Britanian imperio konsistis ek teritorii, protektorati, kolonii ed altra loki administrita dal Unionita Rejio e la stati qui precedis ol. Ol komencis kun transmara posedaji e komercala avanposteni establisita de la fino dil 16ma yarcento til la komenco dil 18ma yarcento. Dum lua apogeo, ol esis la maxim vasta imperio de la mondo en la historio, e dum plu kam 1 yarcento, ol esis la maxim povoza stato de la mondo. En 1913, Britanian imperio habitesis da plu kam 413 milion personi, lor 23% ek Terala habitantaro, e cirkume 1920 ol kovris 35,5 milion km²,[1] to esas, 24% ek Terala surfaco. Kom rezulto, lua konstitucala, yurala, linguala e kulturala influo dissemesis en multa loki. En lua apogeo, ol surnomizesis "l'imperio ube la suno nulafoye kushas".

Teritorii qui ulafoye en la historio apartenis a Britanian imperio.

Referi redaktar

  1. Expansion and Contraction Patterns of Large Polities: Context for Russia - Autoro: Rein Taagepera. Publikigita da International Studies Quarterly. Dato di publikigo: Septembro 1997. Pag.: 475 til 504 URL vidita ye 28ma di decembro 2018.