São Caetano do Sul
Kelk imaji de São Caetano do Sul.
Standardo Blazono
Lando: Brazilia
Stato:  São Paulo
Informo:
Fondita ye: 28ma di julio 1877
Latitudo: 23º37'22 S
Longitudo: 46º33'03" W
Altitudo: 760 m
Surfaco: 15.4 km²
Habitanti: 149 571 (2010)
Denseso di habitantaro: 9,737.7 hab./km²
Disto de Sao Paulo: 13 km
Horala zono: UTC-3
(-2 dum somero)
Urbestro: Paulo Nunes Pinheiro (PMDB) (2013-2017)[1]
Mapo di São Caetano do Sul
Oficala retosituo:
www.saocaetanodosul.sp.gov.br

São Caetano do Sul esas urbo en Braziliana stato Sao Paulo, ed esas parto di la metropolala regiono di Sao Paulo. Ol havis 149 571 habitanti en 2010. Lua tota surfaco esas 15.4 km². Ol havas la maxim alta TNP per persono de Brazilia (US$ 31322,00 en 2010) e la maxim granda indexo pri homala developeso di la lando.

Parko Chico Mendes, en São Caetano do Sul.

L'explorero Fernão Dias Pais Leme donis la tereni qui hodie formacas l'urbo São Caetano do Sul a la monaki de la Monakeyo Santa Benedictus (la "Benediktini"), en nuna Sao Paulo. Camaniere formacesis la farmeyo Tijucuçu. En 1717 la monaki konstruktis kapelo memoriganta Santa Caetanus de Thiène, patrono-santo dil laboro e dil pano. Kelka yari pose, la monaki kreis ibe un fabrikerio di briki e teguli, qui transportesis tra Tamanduateí-fluvio. La fabrikerio funcionis til la yari 1870ma.

Tamanduateí-fluvio separas São Caetano do Sul (sinistre) de São Paulo (dextre).

En 1871 lego liberigesis omna filii de sklavi naskinta en Brazilia. Do, l'ordeno di Benediktini decidis liberigar lua sklavi, entote 4 mil en Brazilia. Sen laboro-povo, la monakeyi decidis vendar la farmeyo a l'Imperiala Guvernerio di Brazilia, qua instalis koloniala nukleo ibe ye la 28ma di julio 1877, konsiderita la fondado dil urbo. La farmeyo dividesis en tereni qui vendesis ad Italiana kolonigiisti. L'unesma grupo di enmigranti originis de Treviso.

En 1883 la ferovoyala staciono di São Caetano, dal kompanio São Paulo Railway, inauguresis. La kolonigiisti komence plantacis terpomo e pose vitobero por produktar vino, til Filoxero destruktar la planti.

Poke ante la republiko, la municipo São Bernardo do Campo kreesis, e recevis parto di la tereni de l'anciena farmeyo. L'altra parto restis teritorio de São Paulo. En 1928 aparis l'unesma idei pri krear la separita municipo São Caetano. Fine ye la 24ma di decembro 1948 lore guberniestro dil stato di São Paulo, Adhemar de Barros, sancionis lego qua kreis la municipo São Caetano do Sul (Sul signifikas "sudo", por diferenciar de l'altra São Caetano, municipo en Pernambuco).

Nune São Caetano do Sul havas importanta fabrikerio di vehili de General Motors e du universitati.

Referi redaktar