Muammar al-Qaddafi
| Muammar al-Qaddafi | ||
| ||
Chefo e guid-duktisto di Revoluciono di  Libia
| ||
| Guvernisteso: | de 1ma di septembro 1969 til agosto 2011 | |
| Personal informi | ||
| Naskodato: | 7 di junio 1942 | |
| Naskoloko: | Sirte, Libia | |
| Mortodato: | 20 di oktobro 2011 | |
| Mortoloko: | mem urbo | |
| Profesiono: | Politikisto | |
Muammar Abu Minyar al-Qaddafi (1942 til 2011) esis despotala diretanto di lando de 1969 til 2011. Quankam il ne havis oficala publika oficio o titulo, il esas grantita honorizanta "Guido di unesma di septembro granda revoluciono di socialista libian arabia Jamahiriya populo" o "Fratulo Dukto e Guido di Revoluciono".
Frua historio
redaktarMuammar esis la lasta puero di nomada Beduino rurana familio en la deserta regiono di Sirte. Il recevis tradicionala religiala primara edukeso e frequentis skolo en Fezzan de 1956 til 1961. Kun mikra grupo di amiki juntita ibe il formacis la kerno diretado di militanta revoluciona grupo qua devis eventuale prenar kontrolo dil lando. Al-Qaddafi inspirajo esis de Gamal Abdel Nasser, prezidanto di vicina Egiptia, qua acendis ad prezidanteso ad Araba unajo e kondamnita Westo. En 1961, Muamnar esis ekpulsita de Sebha per lua politika aktivismo.
Al-Qaddafi eniris l'universitato di Libia, ube ilu diplomizesis per alta gradi. Lor ilu divenis membro di la militarala akademio di Benghazi en 1963, ube il e kelka kamaradi organizis sekreta grupo dedikita a revokar la pro-westala Libiana monarkio. Pos diplomizesir en 1965, ilu sendesis al Unionita Rejio por plusa entreno, e retroiris a Libia en 1966 kom chefo di la Signalo Korpo.
Kaptinta povo
redaktarYe la 1ma di septembro 1969, mikra grupo di militara oficiri duktita da Qaddafi facis stato-stroko kontre Rejo Idris, qua exilesis en Egiptia. La nova rejimo, komandita dal Konsilistaro dil Revolucionala Komando di Libia (RKK), abolisis la monarkio e proklamis la republiko. Qaddafi emergis kom chefo dil RKK e pose fakte kom chefo di stato.
Qaddafi restis en povo til 2011, kande revolucionala movado komencis en Libia. Pos intensa kombati qui komencis ye la 15ma di februaro ta yaro, ilu kaptesis ye la 20ma di oktobro e mortigesis da lua opozanti la sama dio.