Despotismo

Despotismo (de la Greka Δεσποτισμός, despotismós) esas, segun Montesquieu, la formo di guverno en qua singla individuo (despoto) guvernas kun absoluta povo, segun sua propra volunto, sen obediar irga lego o regulo.

Ordinare, la vorto despoto uzesas pejorative por indikar ulu qua uzas lua povo ed autoritato por opresar la populo, lua regnati o subordiniti. Plu precize, ol aplikesas a chefo di stato o chefo di guvernerio. En ca senco, la uzo di ca vorto esas simila al uzo di la vorti tirano e diktatoro.