Listo pri misioni a la Luno

Ca ne-kompleta listo, en ordineso di tempo, donas rezumi di kosmosondili e spaconavi qui atingis la Luno: li esis en orbito cirkum la Luno, od atingis la surfaco per dolca arivo o per koliziono. La listo inkluzas faliinta misioni.

1959 - Luna 1, segun la projeto, frapus la Luno; tamen ol faliis kolizionar, ed eniris orbito cirkum la suno.
1959 - Pioneer 4 preterpasis la Luno ed eniris orbito cirkum la suno.

1959 - Luna 2 frapis la Luno; ol esis l'unesma objekto di homi qua atingis ol.
1959 - Luna 3, unesmafoye, fotografis la fora latero di la Luno.
1962 - Ranger 4 frapis la Luno, ma pro falio di la komputero ol ne transmisis fotografuri.
1964 - Ranger 6 frapis la Luno quale intencite, ma la kameri por survoye fotografar ol ne funcionis.
1964 - Ranger 7 frapis la Luno quale intencite, survoye fotografante la Luno.
1965 - Ranger 8 frapis la Luno quale intencite, survoye fotografante la Luno.
1965 - Ranger 9 frapis la Luno quale intencite, survoye fotografante la Luno.
1965 - Luna 8, segun la projeto, dolce atingus la surfaco; tamen lo ne sucesis ed ol frapis la surfaco.
1966 - Luna 9, unesmafoye, dolce atingis la surfaco di la Luno, e fotografis olua cirkumajo.
1966 - Surveyor 1 dolce atingis la surfaco di la Luno, e fotografis ol.
1966 - Surveyor 2 ne sucesis dolce atingar la surfaco, ma pro eroro ol frapis la Luno.
1967 - Lunar Orbiter 3 eniris orbito cirkum la Luno e fotografis la surfaco.
1967 - Surveyor 3 dolce atingis la surfaco; ol havis instrumento por exkavar specimeno di sulo de la surfaco, qua esis fotografita, e to sucesoze funcionis.
1967 - Lunar Orbiter 4 eniris orbito super la poli di la Luno; ol prenis fotografuri e trovis kosmala radiado.
1967 - Surveyor 5 dolce atingis la surfaco e prenis multa fotografuri; ol anke analizis la surfaco.
1967 - Surveyor 6 dolce atingis la surfaco; ol pose levis su til alteso 3 metri, e ri-atingis la surfaco proxim la originala loko; ol fotografis olua antea pedotraci.
1968 - Surveyor 7 atingis la surfaco e kelke exkavis la surfaco, pose fotografante la rezulti.
1968 - Apollo 8, kun tri homi, facis 10 orbiti di la Luno.
1969 - Apollo 10, kun tri homi, facis 31 orbiti di la Luno, e la lunala modulo esis probata super la surfaco.
1969 - Apollo 11 atingis la Luno; unesmafoye, homi pozis pedi sur la surfaco.
1969 - Apollo 12 atingis la Luno, e la voyajanti marchis a Surveyor 3.
1970 - Apollo 13, pro falio di equipajo, faliis atingar la surfaco di la Luno, tamen la tri voyajanti sucesoze rivenis a Tero.
1970 - Luna 16 retrovenis de la Luno kun specimeno di sulo.
1970 - Luna 17 sucesoze arivis adsur la luno portante veturo por explorar la surfaco.
1971 - Apollo 14 atingis la Luno, e du homi facis exkursi por kolektar petri.
1971 - Apollo 15 atingis la Luno, e du homi facis exkursi en lunala vehilo, kovrante 27,9 km.
1971 - Luna 18 kolizionis kun la Luno e faliis retrovenar kun specimeno di sulo.
1971 - Luna 19, en orbito cirkum la Luno, fotografis la sufaco e studiis la gravito-feldo.
1972 - Apollo 16 atingis la Luno, e du homi facis exkursi en vehilo, kovrante 26,7 km.

1972 - Apollo 17 atingis la Luno, e du homi facis exkursi en vehilo, kovrante 35,9 km; lo esis la lasta vizito di homi a la Luno.
1973 - Luna 21 sucesoze arivis adsur la Luno portante veturo por explorar la surfaco.
1976 - Luna 24 prenis specimeno di la sulo per olua borilo, e retroarivis ye Tero kun la specimeno.
1998 - Lunar Prospector studiis la Luno de basa orbito.
2009 - Lunar Reconnaissance Orbiter, en orbito cirkum la Luno, komencis surveyar la surfaco.
2013 - Chang'e 3 dolce atingis la surfaco di la Luno; ol esis l'unesma sondilo qua facis lo depos Luna 24.
2019 - Chang'e 4 dolce arivis sur la fora latero di la Luno; ol esis l'unesma sondilo qua facis lo.
2020 - Chang'e 5 prenis specimeno di la sulo per olua borilo, e retroarivis ye Tero kun la specimeno.
2022 - Artemis 1 pozesas aden orbito cirkum la Luno e retrovenas a Tero, preparante por viziti di homi en futura misioni di la programo Artemis.