Luna 9

Luna 9 esis kosmosondilo di Soviet-Uniono, la unesma qua sucesoze dolce atingis la surfaco di la Luno.

Ol lansesis ye 31 di januaro 1966. Ye 3 di februaro, per retro-aganta fuzei ed inflita saki, ol dolce atingis la surfaco en Oceanus Procellarum.

Pos 5 minuti ol komencis transmisar a Tero; pos sep hori, kande la suno esis ye apta elevo, imaji di la cirkumajo esis transmisata. Entote non imaji sendesis, inkluzante kin panorami. Unesmafoye per ca misiono, konstatesis ke spaconavo ne sinkus aden la lunala polvo. Kontakto kun la sondilo cesis ye 6 di februaro 1966.