Lunar Prospector

Lunar Prospector esis misiono di NASA en Usa, por studiar la luno de basa orbito.

Mapo pri la varianta gravito di la luno, kompilita per mezuradi prenita da Lunar Prospector

La sondilo lansesis ye 7 di januaro 1998. Ye 16 januaro ol pozesis aden orbito cirkum la luno, preske cirklala, 100 km super la surfaco e flugante super la poli. Ye 19 di decembro 1998 ol pozesis aden orbito 40 km super la surfaco, por plu klare studiar la surfaco; ye 28 di januaro 1999 la orbito chanjesis, por flugar inter 15 e 45 km super la surfaco. Dum la periodo en orbito, la sondilo prenis mezuri per diversa instrumenti e kontinue transmisis ca informeso a Tero, tale ke mapi esis facata pri la gravitado, magnetala feldo e la distributeso di kemiala elementi ye la surfaco.

Ye 31 di julio 1999, finigante la misiono, la sondilo intence guidesis por frapar permanante ombrizita parto di la kratero Shoemaker, proxim la suda polo di la luno. Esis esperata ke to liberigus vaporo di aquo de supozita glacio en la kratero, qua esus videbla de Tero. Tamen nula tala rezultajo esis vidata.