Chang'e 5

Chang'e 5 esis kosmosondilo di la Popul-Republiko Chinia. Ol prenis specimeno di lunala sulo e sucesoze retro-iris a Tero portante la specimeno, l'unesma sondilo qua facis to depos Luna 24 en 1976.

Chang'e 5 sur la luno

Ol esis parto de la Chang'e-serio di misioni a la luno, nomizita pro la Chiniana deino di la luno Chang'e. Ol lansesis ye 23ma di novembro 2020, ed arivis sur la surfaco di la luno ye 1ma di decembro sur Oceanus Procellarum, proxim volkano, ube la sulo kontenas kemiala elementi ne trovita da la misioni di Apollo (di Usa) o Luna (di USSR). Instrumenti en la sondilo inkluzis kameri, radaro por penetrar la sulo, e borilo por prenar specimeno di sulo ye profundeso cirkume 1 m.

La sondilo retro-iris kun la specimeno a la modulo en orbito cirkum la luno; ye 16me di decembro la retrovenanta kapsulo atingis Tero. La orbito-modulo, pos 88 dii, atingis Lagrange-punto L1, en orbito cirkum la suno, inter la suno e Tero.