Luna 17
La kosmoprobilo Luna 17 esis lansita da Soviet-Uniono ye 10 di novembro 1970. Ol atingis la surfaco di la luno ye 17 di novembro. Luna 17 esis l'unesma probilo di Sovietia, qua sucesoze arivis adsur la luno portante veturo por explorar la surfaco. Du-e-duima hori pos l’arivo ca veturo Lunohod 1 movis su alonge rampo adsur la surfaco. Olua longeso esis 2,3 metri ed ol havis ok roti, qui esis nedependante guvernebla. Ol funcionis dum 322 dii. Dum ca periodo ol voyajis 10 km e prenis plu kam 20 000 fotografuri. Lua elektrala povo venis de sunala paneli. Ol plurafoye analizis la sulo ed utiligis profundeso-mezurilo. La lasta komuniko kun la veturo eventis ye 14 di septembro 1971.
