Koreana linguo
| Koreana linguo | |||
|---|---|---|---|
| 한국어 / 韓國語 hangugeo 조선말 chosŏnmal | |||
| Parolata en: | Sud-Korea, Nord-Korea e altra stati | ||
| Regiono: | Azia | ||
| Quanto di parolanti: | 71 / 78 milioni (1ma e 2ma linguo) | ||
| Klasifikuro: | Estal-Azia lingui (senparenta) | ||
| Oficala stando | |||
| Oficala linguo en: | Sud-Korea, Nord-Korea | ||
| Regulata da: | Gungnip Gugeowon (akademia per koreana linguo) | ||
| Kodexi | |||
| ISO 639-1: | ko | ||
| ISO 639-2: | kor | ||
| Videz anke: Linguaro – Linguaro | |||
Koreana esas linguo uzata ambe en sud- e nord-Korea. Existas anke multa Koreani en Chinia (exemple en l'urbi Dandong e Shenyang), Rusia e multa landi ube Koreana enmigranti existas. Los Angeles, Vancouver, Sydney ed altra urbi havas tre multa Koreani.
Koreana linguo olim uzis nur hanja, t.e. Chiniana literi lektante kun Koreana pronunco. Exemple la vorto por Sud-Korea: Hanguk - 한국 o 韓國 en Chiniana literi. Hanguk pronuncesis Hanguo en la China e Kankoku en Japona. Fakte, 70% de la vorti en Koreana venas de Chiniana literi, ma ne nur la pronunco ma anke la gramatiko esas diferanta, e la du lingui esas tote diferanta.
Japoniana esas la linguo maxim simila a la Koreana en la mondo. La gramatiko esas S-O-V, e multa vorti esas la sama. Tamen, Koreana e Japona ne esas tante simila kam, exemple, Norvegiana e Sueda. Existis multa teorii pri la du lingui. Kelka dicas ke la du lingui esis la sama plua kam 10 000 yari ante nun, kande Japonia ne esis insulo ma parto di Azia, e mem ke dum longa tempo la vorti chanjis en la du lingui, la gramatiko ne chanjis dramatikale, e forsan esas posibla ke li esis la sama linguo. Kande on vidas la du lingui, anke bezonas savar ke en la du landi existas multa dialekti, ed anke ke li ne esis unionita lando dum la anciena tempo. Exemple, la lando Baekje esis amiko di Wae, l'anciena Japonia. Baekjae e Wae helpis l'un l'altra kontre altra landi en Korea, exemple Koguryeo.