L'Internaciona kontoro pri paco (Angle: International Peace Bureau - IPB; France: Bureau International de la Paix - BIP) esas la maxim anciena internaciona organizuro pri la paco. Ol fondesis en 1891 sub la nomo "Permananta Internaciona kontoro pri paco" (Angle: Permanent International Peace Bureau, France: Bureau International Permanent de la Paix), e recevis la Nobel-premio pri paco en 1910.
La nuna logotipo del IPBMembri del IPB-BIP en 1899.
La kontoro fondesis ye la 13ma di novembro1891 kom rezulto de la Triesma Universala Kongreso pri Paco, qua eventis en Roma ca yaro. Un ek lua fonderi e lua unesma prezidanto esis Dana skriptisto e pacifisto Fredrik Bajer, qua recevis la Nobel-premio pri paco en 1908. La sideyo di la kontoro establisesis en Bern, Suisia, kun skopo koordinar l'agado di diferanta societi favorebla a la paco, e stimular la sercho di pacoza solvi por internaciona konflikti.