Hanso-uniono

(Ridirektita de Hanso)
Ica artiklo bezonas revizo gramatikala. – Ka vu povas helpar ni revizar ica artiklo?

Hanso (Hansa) esis uniono di Germana urbi quo dominacis komerco cirkum Baltika Maro ed en nordala Germania de 13ma til 15ma yarcento (en Mez-epoko). Ante Hanso-uniono Vikingi dominacis komerco cirkum Baltika Maro, ma, povo di Vikingi fininte, centro di komerco translojis aden Germania. En komenco komercisti formacis neoficala karteli por defensar lua interesti. Samatempe Germani translojis ad esto, a Polonia, kande naskis nova komerco-zono. Ye 1241 komercisti di Hamburg e Lübeck formacis uniono, altre dicante hanso, e li abolisis doganala pagi en intera komerco.

Precipua voyi dil Hanso.

Uniono donis komercala profito, e quik altra urbi unionis su. En komenco di 14ma yarcento komerco- e defenso-uniono, pose hanso-uniono, ja havis tote konstanta poziciono. Meze 14ma yarcento uniono havis c. 70 urbi kom membri, de Flander til Rusia.

Hanso-urbi esis:

Hamburg, Lübeck, Kiel, Rostock, Stralsund, Magdeburg, Braunschweig, Bremen, Münster, Köln, Dinant, Breslau, Krakov, Danzig (nuna Gdansk), Elbing, Königsberg (nuna Kaliningrad), Reval (nuna Tallinn), Narva.

Hanso-uniono havis ofico en

Brugge, Antwerpen, Bergen, Novgorod.

Altra komerco-loki importanta esis

Oslo, Malmö, Kalmar, Visby, Stockholm, Turku, Viipuri.

Hanso-komercisti partoprenis administro di multa urbi.

Por hanso-komerco developesis nova navo-modelo, kogo, en quo fitis multa vari. Importanta vari exportala esis salo, stofi e spensala utensili. De Suedia on aquiris fero, de Finlando furi e fishi, de Norvegia fishi e de Rusia furi e, por bujii di kirki, vaxo. Pluse hanso mediacis a nord-europana influo e modo.

Hanso okupis su precipue en komerco ma ol havis anke militala povo. Ol defensis interesti di membri, pro ke en Germania ne esis forta regno, quo povabus garantiar sekureso di komerco. Dania prolongis propra komerco nedependanta cirkum Baltika Maro anke depos Vikingo-ero. Dum regno di Dana rejo Valdemar 4ma (1340 til 1377) Hanso mustis dufoye defensar kontre ataki da Dania.

Povo di Hanso-uniono finis, kande Suedia aquiris dominaco cirkum Baltika Maro en fino di 15ma yarcento kom militala e komercala povo.