Erich Weferling
| Erich Weferling | ||
| ||
| Profesiono: | linguisto, Idisto | |
| Lando: |  Germania
| |
| Naskodato: | 28 di junio 1889 | |
| Nasko-loko: | Söllingen (Infra-Saxonia, Germania) | |
| Mortodato: | 10 di agosto 1981 | |
Erich Weferling (28ma di junio 1889 til la 10ma di agosto 1981) esis Germana laikala linguisto ed Idisto, qua kreis linguala projeto Intal kom incito por internaciona helpo-linguo.
Evante 18 yari ilu lernis Esperanto, ma balde transiris ad Ido ed Interlingue. Ilu partoprenis la Ido-kongreso en Kassel, (Germania) la yaro 1923.
Weferling publikigis en la yaro 1926 sua unesma propra projeto Unesal-Interlingu. Cirkum la yaro 1954 ilu publikigis l'unesma versiono di la linguala sistemo Intal. Il plubonigis kelkfoye Intal ed en la yaro 1978 Weferling fine publikigis ula versiono di Intal.
La skopo di Weferling esis unigar la maxim konocata internaciona helpo-lingui Ido, Esperanto, Interlingue, Interlingua, Novial e Neo per sua sistemo Intal.
Weferling publikigis en la yaro 1976 sua auto-biografio Ek le vive de un oldi interlinguistiker (Ek la vivo di un olda interlinguisto) en sua linguo Intal.
Il publikigis omna sua verki en sua propra mikra editerio.
Kelka verki da Weferling
redaktar- Weferling, Erich: Ek le vive de un oldi interlinguistiker (Ek la vivo di olda interlinguisto). Propra editerio, Braunschweig 1976.
- Weferling, Erich: Der Stand der Weltsprache-Bewegung (La stando di la internaciona linguo-movado). Propra editerio. Braunschweig, 1975.
- Weferling, Erich: Komparation inter Esperanto e Intal in kontrapozati tabeles (Komparo inter Esperanto ed Intal per kontre-pozita tabeli). Propra editerio. Braunschweig 1978, triesma plubonigita edituro.