Ekonomio di Panama
| Ekonomio di Panama | ||
|---|---|---|
| Pekunio | Balboa | |
| Internaciona organizuri | OMC | |
| Statistiki [1] | ||
| Totala nacionala produkturo (TNP) | US$ 126 352 milioni (2021) | |
| Rango TNP | 84ma[2] maxim granda | |
| Kresko di TNP | 15,34% (2021) | |
| TNP po persono | US$ 29 000 (2021) | |
| TNP segun sektoro | agrokultivo 2,4%, industrio 15,7%, servadi 82% (2017) | |
| Inflaciono | 1,63% (2021) | |
| Habitantaro sub la povreso-lineo | 22.1% (2016) | |
| Laboro-povo | 1 966 000 (2021) | |
| Laboro-povo segun okupo | agrokultivo 17%, industrio 18,6%, servadi 64,4% (2009) | |
| Chomeso | 12,09% (2021) | |
| Komercala parteneri [1] | ||
| Exportaci (US$) | 27 237 milioni (2021) | |
| Precipua parteneri | Equador 20%, Guatemala 14%, Popul-Republiko Chinia 8%, Usa 6%, Nederlando 6% (2019) | |
| Importaci (US$) | 24 627 milioni (2021) | |
| Precipua parteneri | Popul-Republiko Chinia 21%, Usa 19%, Japonia 16%, Kolumbia 6%, Equador 5% (2019) | |
| Publika financi [1] | ||
| Extera debo | 22,9 miliardi (2016) | |
| Revenuo totala (US$) | 12,43 miliardi (2017) | |
| Spenso totala (US$) | 13,44 miliardi (2017) | |
| Noto: Ecepte kande kontree mencionata, valori en ca tabelo esas en Usana dolari | ||
L'ekonomio di Panama jacas inter la maxim stabila de Amerika. Ol dependas forte de servadi, qui reprezentas 80% de la TNP. Servadi inkluzas l'operaco di kanalo di Panama, banki, asekuro-kompanii, turismo, e registro di navi qui uzas Panamana standardo.[1]
.jpg)
De 2003 til 2009, la grandeso dil ekonomio Panamana duopleskis pro la granda interna ed externa kolokadi, augmento di turismo e di internaciona transporto di vari.[3][4] Pro la kresko di cirkulado di navi tra kanalo di Panama, en 2007 komencis ambicioza projeto por duopligar lua kapaceso, e to stimulis koloki en la substrukturo di la lando[1]. La projeto kompleteskis en 2016[1], e kustis 5,3 miliard dolari, o 10% til 15% de lora TNP.
Dum recenta yari, kreskis la komerco kun Popul-Republiko Chinia, qua nun esas fonto de 21% del importaci Panamana[1]. Malgre havar sua propra monetaro, nomizita "Balboa", la dolaro di Usa esas multe uzata por la habitantaro. La kurso di kambio Balboa-Usana dolaro esas 1 po 1[1].
Cirkume 22% de la habitantaro vivIs sub povreso-lineo segun statistiki de 2016[1]. Tamen, povreso diminutis 10% de 2006 til 2012.
Referi
redaktar- ↑ 1,0 1,1 1,2 1,3 1,4 1,5 1,6 Panama - The World Factbook - Publikigita da CIA. URL vidita ye 8ma di aprilo 2023.
- ↑ https://www.cia.gov/the-world-factbook/field/real-gdp-purchasing-power-parity/country-comparison
- ↑ 5. Report for Selected Countries and Subjects - Publikigita da International Monetary Fund.
- ↑ El PIB per cápita de Panamá creció un 50% en los últimos cuatro años - URL vidita ye 25ma di mayo 2016.