Célestin Freinet

Célestin Freinet
Célestin Freinet (1914).
Profesiono:	pedagogo
Lando:	Francia
Naskodato:	1895, 15 di oktobro 1896
Nasko-loko:	Gars, Provenco
Mortodato:	8 di oktobro 1966
Morto-loko:	St. Paul de Vence

Célestin Freinet (15ma di oktobro 1896 en Gars, Provenco til la 8ma di oktobro 1966 en St. Paul de Vence) esis pedagogo, nome por arto e pioniro pri docado di ekologio en skoli.

Vundita en pulmono dum l'unesma mondomilito pro venenoza gasi, quick ilu divenis pacifisto. En 1920 ilu divenis docisto en Le Bar-sur-Loup.

Diversa voyaji permisis ilu admirar metodi pri instrukto nekonocita en Francia, nome la metodi de Suisa pedagogo Adolphe Ferrière, qua esis surda. En 1923 Freinet kompris imprimomashino, origine pro helpar kun instrukto, pro lua desfacileso pri parolar dum longa tempo. Ilu imprimis skola jornaleti e libera texti por lua skolani. L'infanti uzis ol por kompozar lia propra verki, qui pose diskutesis en grupi, e fine prizentar kom komuna esforco. Li freque lasis la skolo-chambro por irar en extera inquesto. La jurnaleti kambiesis reciproke kun altra skoli. Gradope la grupala texti remplasis kustumala e oficala libri.

Inter altra idei, Freinet propozis la "labora pedagogio" (pédagogie du travail): la skolani stimulesis lernar tra kreo di lia propra produktado. Ilua verki adoptesis da la nomizita "Nova Skolo".