6ma yarmilo aK

Historio > Yarmili
7ma yarmilo aK6ma yarmilo aK5ma yarmilo aK

La 6ma yarmilo aK komencis ye l'unesma dio dil yaro 6000 aK e finis ye la lasta dio dil yaro 5001 aK. L'exakta dati di eventi de ca epoko ne povas savesar precize, e la maxim multa dati o yari mencionata esas aproximata.

La kulturo Vincha ed altri en Europa.

On kalkulas ke dum ca yarmilo, neolitika kulturi e teknologii qui developesis en Proxim Oriento gradope dissemesis tra estal Europa. La habitantaro di la Tero posible quaropleskis, kom rezulto de tale nomizita "Neolitika revoluciono" od "unesma agrokultivala revoluciono. Dum ca epoko, tale nomizita "kulturo Vinča" prosperis en la nuna Serbia, Montenegro, sudal Hungaria e westala Rumania. Cirkume 5300 aK la "kulturo Ertebølle" evolucionis norde de la nuna Germania ed en Dania.

On kalkulas ke cirkume 6000 aK en la maxim anciena urbo del mondo, Çatal Hüyük, rezidis 5000 homi. Tamen, cirkue 5700 aK, ca urbo abandonesis. Cirkume 5900 aK Malta koloniigesis da homi qui venis ambe de Europa e de Afrika.

Inter 6000 e 5400 yari aK, on komencis aquizar agri en Mezopotamia ed en la nuna Iran. Cirkume 5100 aK, konstruktesis l'unesma templi sude de Mezopotamia. Samatempe en Afrika, cirkume 5600 aK komencis l'expanso di Sahara e la klimato norde del kontinento divenis plu sika.

Cirkume 5600 yari aK, la depreso geologiala nun okupata da Nigra maro inundesis per aqui del Egea maro. On kredas ke Nigra maro olim esis lago, e lua inundo per saloza aqui eventis pro levo di marala nivelo. En decembro 1996, New York Times publikigis hipotezo, segun quo l'ideo Biblala pri Diluvio originis de ca inundado.