Traktato pri Nedifuzo di Nukleal Armi
Traktato pri Nedifuzo di Nukleal Armi (TNNA) esas traktato signatebla depos l'1ma di julio 1968 en qua signatesis da 191 stati (2018), inter qui reprezentanti di Vatikan-urbo e Palestina, anke Taiwan konsideras su ligat a la traktato. Ol vizas la limitizo di nukleal armi.
La traktato, rezulto di negocii en l'Unionita Nacioni, venis en vigoro la 5ma di marto 1970. Stati sen nukleal armi renuncas nukleal armi e submisas su a kontrolo dal IAA.
Lor kompozo di la traktato, esis kin stati kun nukleal armi: Usa, Soviet-Uniono, Unionita Rejio, Popul-republiko Chinia e Francia (omna permananta membri di la Sekureso-konsilistaro dil UN)
En la traktato registragesis:
- la posedo di nukleal armi limitizesas a ca kin landi e ke li ne transferos la necesa savo ad altra landi.
- Li ne uzos nukleal armi tam longe kam li ipsa ne esas atakata per nukleal armi. Intertempe tam Usa kam UR indikis uzor nukleal armi se li atakesos per biologial o kemial armi.
- La traktato decidas ke landi qui posedas o disponas pri nukleal armi reduktas lia stoki.
Quar UN-membri nulafoye signatis la traktato: India, Pakistan ed Israel, same kam Sud-Sudan qua nedependis en 2011. Nord-Korea anuncis l'10ma di januaro 2003 retraktar su de la traktato.