Bovo

Bovo esas la maxim nombroza speco de granda hufoza farm-animali.

Bovo en Suisia

Bovi esas importanta moderna membro dil subfamilio Bovinae, la maxim nombroza speco dil genero Bos, e maxim ofte klasifikesas kom Bos taurus.  Li kultivesas kom karno-animali (bovokarno e bovyunokarno), kom animali por lakto ed altra lakto-produkturi, e kom tiro-animali (bovuli qui tiras chari, plugili ed altra aparati).  Altra produkturi inkluzas ledro e dungo por sterko o fuelo.  En ula regioni, quala parti di India, bovi havas religiala signifiko.

Cirkume 10.500 yari ante nun, bovi domestikigesis de nur 80 ancestri en sudesta Turkia.  Segun evaluo en 2011, esas 1,4 bilion bovi en la mondo.  En 2009, la bovo divenis un ek la unema karno-animali qua havas pardeskovrita genomo.  Uli egardas bovi kom la maxim olda formo de richeso, e bovo-marodo konseque un ek la la maxim frua formi de furto.