Sjælland

Sjælland (angle: Zealand) esas la maxim granda (7.031 km²) e maxim populoza insulo di Dania, kun habitantaro de 2.267.659 (39% de la Dania-totalo en januaro 2016).

Ol esas la 96ma-maxim granda insulo en la mondo segun areo e la 35ma maxim populoza. Ol konektesas kun Funen per la Storebæltsforbindelsen (sistemo de ponti e tunelo), kun Lolland, Falster (e Germania de 2028) per la Storstrøm-Ponto e la Farø-Ponti. Sjælland anke konektesas kun Amager per kin ponti. Sjælland konektesas nedirete, per intera insuli per serio de ponti e tuneli, kun suda Suedia.

København, la chefurbo di Dania, situesas parte an la estala litoro di Sjælland e parte sur la insulo Amager. Altra urbi sur Sjælland inkluzas Roskilde, Hillerød, Næstved e Helsingør. La insulo (angla nomo: Zealand) ne relatas historiale la lando Nov-Zelando, qua esas nomizita pro la nederlandana provinco Zeeland.

Geografio

Loko di Sjælland en Dania

Sjælland esas la maxim populoza insulo di Dania (hab. c. 2 491 090 en 2012). Ol esas nereguloza-forma, e jacas norde del insuli Lolland, Falster e Møn. La insuleto Amager jacas nemediate este.

København esas grandaparte sur Sjælland ma extensesas trans norda Amager. Plura ponti e la Metroo di København konektas Sjælland kun Amager, quo konektesas kun Skåne en Suedia per la ponto di Øresund, tra l'artificala insulo Peberholm. Sjælland konektesas weste kun Funen, per la Storebæltsforbindelsen, e Funen konektesas per ponti kun la kontinento, Jylland.

Ye la 5ma di junio 2007, la regionala fako di la nacionala brodkasterio Danmarks Radio raportis ke Kobanke en la sudesto proxim la urbo Rønnede en municipo Faxe, ye alteso de 122,9 metri, esas la maxim alta naturala loko sur Sjælland. Gyldenløveshøj, sude del urbo Roskilde, havas alteso de 126 metri, ma to esas pro artificala kolino del 17ma yarcento, e la max alta naturala loko esas ye nur 121,3 metri.

Mitologio

En Nordala mitologio, segun la rakonto di Gylfaginning, la insulo kreesis da la deino Gefjun per ke el trompis Gylfi, rejulo di Suedia. El forprenis peco de tero a Dania, e to divenis Sjælland. La vakua areo plenigesis per aquo e divenis Mälaren. Tamen, nam moderna mapi montras simileso inter Sjælland e la Sueda lago Vänern, on kelkafoye nomizas ol la "lakuno lasita da Gefjun".