Richard Nixon

Richard Milhous Nixon
{{{Originala_nomo}}}

Prezidanto di Usa
Guvernisteso:	de 20 di januaro 1969 til 9 di agosto 1974
Precedanto:	Lyndon Johnson
Sucedanto:	Gerald Ford
Personal informi
Naskodato:	9 di januaro 1913
Naskoloko:	Yorba Linda, Kalifornia
Mortodato:	22 di aprilo 1994
Mortoloko:	New York, Nova-York
Spozo:	Pat Ryan
Profesiono:	advokato e politikisto
Politikala partiso:	Republikana Partiso

Richard Milhous Nixon (1913 til 1994) advokato e politikisto, esis prezidanto di Usa de 1969 til 1974. Ilu renuncis dum sua duesma mandato, pro Watergate-skandalo.

Nixon esis vice-prezidanto de 1953 til 1961, ed il esis la Republikana kandidato por la prezidanteso en la elekto di 1960, ma esis vinkata da John F. Kennedy.

Elekto en 1968

Survoye a la nomineso por la Republikana kandidateso en 1968, Nixon vinkis Nelson Rockefeller, Ronald Reagan ed altri. Ilua Demokrata opozanto en la elekto esis la lora vice-prezidanto Hubert Humphrey. Il esis elektata kom la 37ma Prezidanto ye 5 di novembro 1968. Kun Spiro Agnew kom vice-prezidanto, Nixon esis investata ye 20 di januaro 1969.

Vizito a Chinia

Ye 21 di februaro 1972, Richard Nixon arivis en Beijing en la Popul-Republiko Chinia, e renkontris Mao Zedong, Prezidanto di la Komunista Partiso di Chinia. Ca oficala vizito sequis 25 yari dum ke esis nula komuniki o diplomacala ligili inter Usa e Chinia. Dum sep dii, Nixon vizitis Beijing, Hangzhou, Shanghai e la Granda Murego, e renkontris la chefa ministro Zhou Enlai. Pose, Usa e Chinia editis la Shanghai Communiqué; ca diplomacala dokumento esis fundamento di relati inter la du landi.

Ri-elekto en 1972

Ye 7 di novembro 1972 il ri-elektesis kom prezidanto, vinkante George McGovern, la kandidato di la Demokrata partiso. Nixon esis populara prezidanto en 1972, e recevis plu kam 60% de la voti, un de la maxim granda majoritati en la historio di Usa. Esabis poka rivaleso por la nomineso di Nixon kom Republikana kandidato. Senatano McGovern, de Sudal Dakota, divenabis la Demokrata kandidato pos vinkir Edmund Muskie, Hubert Humphrey e Shirley Chisholm.

Demisiono en 1974

Ye 8 di agosto 1974, en diskurso transmisata a la naciono de la Blanka Domo, il anuncis ke il demisionos kom Prezidanto di Usa; il esis la unika prezidanto qua demisionis. Pro la Skandalo di Watergate, proceso di statala akuzajo esis expektata. En lua diskurso, il dicis ke il ne havus la politikala susteno por traktar la devi di ilua ofico en la maniero bezonata da la interesti di la naciono. Ye la morga dio il sendis letro di demisiono a la Sekretario di Stato Henry Kissinger, e la vice-prezidanto Gerald Ford pose divenis Prezidanto.

Precedanto
Lyndon Johnson

→

Prezidanto di Usa
1963 til 1969

→

Sucedanto
Gerald Ford

Prezidanti di Usa

George Washington (F) • John Adams (F) • Thomas Jefferson (SR) • James Madison (SR) • James Monroe (SR) • John Quincy Adams (SR) • Andrew Jackson (D) • Martin Van Buren (D) • William Henry Harrison (W) • John Tyler (W,senp.) • James Knox Polk (D) • Zachary Taylor (W) • Millard Fillmore (W) • Franklin Pierce (D) • James Buchanan (D) • Abraham Lincoln (R) • Andrew Johnson (U) • Ulysses Simpson Grant (R) • Rutherford Birchard Hayes (R) • James Garfield (R) • Chester Arthur (R) • Grover Cleveland (D) • Benjamin Harrison (R) • Grover Cleveland (D) • William McKinley (R) • Theodore Roosevelt (R) • William Taft (R) • Woodrow Wilson (D) • Warren G. Harding (R) • Calvin Coolidge (R) • Herbert Hoover (R) • Franklin Delano Roosevelt (D) • Harry S. Truman (D) • Dwight D. Eisenhower (R) • John F. Kennedy (D) • Lyndon B. Johnson (D) • Richard Nixon (R) • Gerald Ford (R) • Jimmy Carter (D) • Ronald Reagan (R) • George H. W. Bush (R) • Bill Clinton (D) • George W. Bush (R) • Barack Obama (D) • Donald Trump (R)• Joe Biden (D) •

Expliko: (F) - federalisto (SR) - „antiqua republikani“ (W) - Partiso Whig (D) - demokrato (R) - republikano (U) - unionisto (senp.) - senpartisa