Papo Ioannes Paulus la 2ma
| Ioannes Paulus la 2ma Papo di Katolik-Eklezio | ||
|---|---|---|
| ||
| ||
| Papo de 16ma di oktobro 1978 til 2ma di aprilo 2005 | ||
| Precedanto: | Ioannes Paulus la 1ma | |
| Sucedanto: | Benedictus la 16ma | |
| Bapto-nomo: | Karol Józef Wojtyła | |
| Naskodio: | 18ma di mayo 1920 | |
| Naskoloko: | Wadowice, Mikra-Polonia,  Polonia
| |
| Morto-dio: | 2ma di aprilo 2005, che Vatikano | |
| Listo di la papi: Kronologio • Alfabetale | ||
Ioannes Paulus 2ma, naskinta Karol Józef Wojtyła[1] (1920 til 2005) esis la 264ma papo di la Katolik-eklezio. Lua originala nomo esis Karol Józef Wojtyła.
Karol Wojtyła naskis proxim Wadowice en Polonia ye la 18ma di mayo 1920. Lua familio esis ne-richa. Dum lua yuneso il esis interesata pri teatro e pleis kom aktoro, lastafoye, kande il evis 23 yari.
En 1938, ilu komencis studiar filozofio e literaturo che l'universitato di Kraków. Tamen la duesma mondomilito ruptis la studiado e l'universitato klozesis da la nacional-socialisti.
Dum la milito ilu laboris en minerio apertita ed oficerio. Dum vesperi ilu sekrete studiis duktata dal kardinalo. La yunulo kredeskis, kande il rekuperis en kliniko pos du trafiko-acidento.
Pos la milito, en 1946 Wojtyła promocesis paroko. En 1948 ilu promocesis en Roma kom doktoro en teologio. Pose il docis moral-teologio e social-etiko kom profesoro en Lublin e Kraków. Kom l' arkiepiskopo di Kraków il divenis en 1964. Papo Paulus la 6ma grantis ilu l'ordo di kardinalo en 1967.
Karol Wojtyła, la kardinalo di Kraków, elektesis kom papo ye la 16ma di oktobro 1978. Il esis l' unesma Katolik ekleziestro ne-Italiana pos 1523. Ilu prenis la nomo Iohannes Paulus 2ma.
Ye la 13ma di mayo 1981 Turka teroristo Mehmet Ali Agca probis mortigar la papo che Vatikano.
La papo mortis ye la 2ma di aprilo 2005. Ye la 1ma di mayo 2011 il beatifikesis dal papo Benedictus la 16ma.
La nomo dil papo en diversa linguiRedaktar
- en Albaniana linguo: Gjon Pali II
- en Angla linguo: John Paul II
- en Cheka linguo: Jan Pavel II.
- en Chiniana linguo: Gioan Phaoloa II
- en Finlandana linguo: Johannes Paavali II
- en Franca linguo: Jean-Paul II
- en Germana linguo: Johannes Paul II.
- en Hispana linguo: Juan Pablo II
- en Hungara linguo: János Pál II.
- en Italiana linguo: Giovanni Paolo II
- en Kroatiana linguo: Ivan Pavao II.
- en Latina linguo: Ioannes Paulus PP. II
- en Polona linguo: Jan Paweł II
- en Portugalana linguo: João Paulo II
- en Rumana linguo: Ioan Paul al II-ea
- en Slovakiana linguo: Ján Pavol II
- en Sloveniana linguo: Janez Pavel II.
- en Sueda linguo: Johannes Paulus II
NotiRedaktar
- ↑ Segun skribesas en l'Internaciona fonetikal alfabeto, [ˈkaɾɔl ˈjuzɛf vɔiˈtɨwa].