Muzeo Perot pri Naturo e Cienco

La Muzeo Perot pri Naturo e Cienco (Angle: Perot Museum of Nature and Science), o kurte "muzeo Perot" esas muzeo pri historio e cienci jacante en Dallas, Texas, Usa. Ol kompozesas ek du edifici, l'un an la quartero Victory Park, l'altra an la quartero Fair Park.

L'exterajo di la muzeo en Victory Park.

Modelo pri skeleto di Tyranosaurs rex, en la Muzeo Perot.

Komence apertita en 1936, pose ol chanjesis lua loko e nomo. La nomo di la muzeo en Victory Park homajas la milioniero Ross Perot e lua spozino Margot. L'edifico havas 6 etaji kun 11 permananta expozeyi e 6 laboratorii por lernado.

Historio

La muzeo apertis ye la 6ma di junio 1936, e lor nomizesis Muzeo pri Naturala Historio di Dallas (Dallas Museum of Natural History en l'Angla), kom parto dil Expozado pri la Centesma Aniversario di Texas.

Ye la 20ma di septembro 1946, la Muzeo pri Saneso di Dallas (Dallas Health Museum en l'Angla) fondesis dal akademio pri medicino di Dallas (Angle: Dallas Health Museum). En 1958 la Muzeo pri Saneso di Dallas rinomizesis Muzeo pri Saneso e Cienco di Dallas (Angle: Dallas Health and Science Museum). En 1981 ol rinomizesis Ciencala Loko (Angle: Science Place). En 1995 la Muzeo di la Pueri di Dallas (Dallas Children's Museum en l'Angla) apertesis.

Extera ligili

https://web.archive.org/web/20190801070121/https://www.perotmuseum.org/ - L'oficala retosituo por la muzeo (en l'Angla)