Muhammad Saeed al-Sahhaf

Mohammed Saeed al-Sahhaf (n. 30 julio 1940), anke konocata kom Baghdad Bob o Comical Ali, esas olima irakana diplomacisto e politikisto.

Muhammad Saeed al-Sahhaf

Il divenis mondvaste famoza lor la invado di Irak en 2003, dum qua il esis la Informo-Ministro sub Irak-prezidanto Saddam Hussein, ed agis kom vice-parolanto por la Araba Socialista Ba'ath-Partiso e la guvernerio di Saddam.

Nomi redaktar

Al-Sahhaf konocesas pro lua diala jurnalistaro-konferi en Bagdad dum la invado di Irak en 2003.  Pro lua koloroza diskursi il nomizesis "Baghdad Bob" da komenteri en Usa.  il anke nomizesis "Comical Ali" (Komika Ali) (vorto-ludal aludo a "Chemical Ali" (Kemial Ali), la surnomo dil olima Defenso-Ministro di Irak Ali Hassan al-Majid) da komenteri en Britania; komenteri en Italia simile nomizis ilu "Alì il Comico".

Biografio redaktar

Al-Sahhaf naskis en Hilla, proxim Karbala a Shi'ista-Araba familio.  Pos studiar jurnalismo che la Universitato di Bagdad il diplomizesis per maestro-grado pri Angla literaturo.  Il projetis divenar docisto dil Angla ante ke il adheris l'Araba Socialista Ba'ath Partiso en 1963.  Dum la frua dii dil Ba'athista rejimo, il lektis reguloza anunci pri recente mortigita irakani ye statala televiziono.

Il servis kom ambasadisto a Suedia, Burma, la Unionita Nacioni, ed Italia, ante retroirar ad Irak por servar kom Exterlandala Ministro en 1992.  La motivi por lua desengajeso de ta rolo en aprilo 2001 esas neklara, ma lua atingi en ta rolo ofte egardesis kom min kontentiganta kam ti da lua preirinto, Tariq Aziz.  Adminime un raporto sugestas ke Uday Hussein (la filiulo di Saddam Hussein) responsis pri lua desengajeso.

En marto 2008, raportesis en la britaniana jurnalaro ke Ali habitis la Unionita Araba Emirii.