István Nemere

István Nemere
Profesiono:	skriptisto
Lando:	Hungaria
Naskodato:	8 di novembro 1944
Nasko-loko:	Pécs, Hungaria
Mortodato:	15 di novembro 2024
Retoloko:	http://nemere.hu/

István Nemere (n. Pécs , 8 novembro 1944) esas hungariana novelisto, Esperantisto, e tradukisto.

Il skribis 701 editita libri ante mayo 2018, grandaparte en la Hungariana, kun plu kam duadek romani en Esperanto.  Il esas anke notinda figuro en la mondo di hungariana cienco-fiktivaji pro lua 60 noveli e plura rakonti.

Il alegis ke granda parto de la filmo di 1993 Demolition Man fondesas sur lua romano "Holtak harca" qua editesis en 1986. En ta romano, teroristo e lua enemiko, kontre-terorisma soldato, frostigesas e pose vekigesas en la 22ma yarcento, kande violento purgesabas de la socio. Nemere asertis ke komitato pruvis ke 75% de la filmo esas identa kun lua libro. Il decidis ne iniciar legala proceso, nam engajar legisto e luktar kontre granda Hollywood-fortesi en Usa esabus tro chera por lu.

Il anke asertis ke Hollywood plajiis verki da multa est-europana skribisti pos la falo dil Fera Kurteno, e ke il konocas la persono, qua segun lu responsas pri nelegale vendir lua ideo a la filmifisti.