Iron Butterfly

Iron Butterfly (pron.: ayron-baterflay; San Diego, Kalifornia) esas Usana psikodelika rok-bando qua havis olua maxim granda suceso ye la fino di la yari sisadek di la 20ma yarcento. La bando fondesis en 1966 da Doug Ingle (9ma di septembro 1945 – 24ma di mayo 2024), Greg Willis, Jack Pinney e Danny Weis, kurtafriste pose anke Darryl DeLoach divenis membro e la bando exercis singla-vespere en la garajo di la parenti di DeLoach.

La maxim granda suceso esis In-A-Gadda-Da-Vida (1968) (skribita da Doug Ingle) de la sam-titula albumo, olqua rangizesas inter la maxim bone vendata diski ulafoye, kun plu kam 30 milion vendit exempleri mondo-vaste. In-A-Gadda-Da-Vida (derivita de 'en la gardeno di Eden') esis l'unesma kansono en la historio di pop-muziko, qua prenis un latero di LP-disko.