Internaciona Dio di Laboristi
La Internaciona Dio di Laboristi o Dio di Laboro festesas en multa landi ye la 1ma di mayo. Ol esas libera dio en plura landi. Dum olu celebresas la lukti di la laboristaro e eventas manifesti di laboristi.
██ Festodio di laboristi ye la 1ma di mayo
██ Altra festodio ye la 1ma di mayo
██ Sen festodio ye la 1ma di mayo, sed dio di laboristi ye altra dato
██ Nula festodio ye la 1ma di mayo e nula festodio di laboristi
Historio redaktar
La elekto dil dato devenas de generala striko quan la Nord-Amerikana laboristala movemento proklamis por la 1ma di mayo 1886 kun la skopo generaligor la ok-hora laborodio. La sequanta konflikti inter la manifestanti e la polico divenis violentoza: ye la 3ma di mayo policisti pafe mortigis quar manifestanti; ye la 4ma di mayo eventis protestala manifesto, lore ulu jetis bombo qua mortigis plura policisti. Pro ke la atentinto ne trovesis, on arestis ok manifestal organizinti ed mortigis quar; un suocidis, la cetera tri liberigesis pos sis yari.
En 1889, la kongreso dil Duesma Internacionalo en Paris proklamis la 1ma di mayo kom memorodio pri la viktimi dil manifesti di 1886 e kom luktodio di la laboristala movemento.
Altra dati redaktar
Quankam la maxim multa landi festas la Internaciona Dio di Laboristi ye la 1ma de mayo, kelka landi festas olu ye altra dati:
- Australia: duesma lundio di marto
- Bahama: unesma venerdio di junio
- Kanada: unesma lundio di septembro
- Japonia: la 23ma di novembro
- Nova-Zelando: quaresma lundio di oktobro
- Trinidad e Tobago: la 19ma di junio
- Usa: unesma lundio di septembro