Georgetown, Guyana
| Georgetown, Guyana | ||
| ||
| Kelk imaji pri Georgetown. | ||
| Lando: |  Guyana
| |
Informo:
| ||
| Latitudo: | 6°48'04" N | |
| Longitudo: | 58°09'19" W | |
| Altitudo: | 0 m | |
| Surfaco: | 70 km² | |
| Habitanti: | 118 363 (2012) | |
| Denseso di habitantaro: | 1700 hab./km² | |
| Horala zono: | UTC-4 | |
| Urbestro: | Alfred Mentore | |
 • Georgetown | ||
Georgetown esas la chef-urbo e maxim populoza urbo di Guyana. Segun la demografiala kontado di 2012, ol havis 118 363 habitanti[1]. Lua tota surfaco esas 70 km².
Georgetown esas l'ekonomiala e l'administratala centro de la lando. Tota edifici dil guvernerio, inkluzite la sideyo dil parlamento, di la supera korto e la Domo dil Stato (oficala rezideyo e laboreyo dil prezidanto) jacas en la urbo.
L'urbo prezervas multa edifici de la nomizita "Viktorian-epoko", kande la rejino Victoria esis imperiestrino di Britanian imperio. La maxim multa de ta edifici konstruktesis ek ligno, tamen, kelk ek li rinforcesis kun betono.[2]
Georgetown gastigas la maxim importanta portuo di Guyana, qua exportacas sukro, bauxito, oro e diamanti. Ol anke gastigas la sideyo di la publika universitato di Guyana, inaugurita en 1963, e l'unika unika universitato di la lando, havanta cirkume 20 mil studenti.
Historio
redaktar
Georgetown komencis kom vilajeto dum la 18ma yarcento, fondita dal Nederlandani sur insulo Borsenen. En 1781, Angla lietnanto Robert Kingston kaptis ol, e decidis transferar l'urbeto a la boko dil fluvio Demerara, en loko inter lora plantacerii Werk-en-rust e Vlissengen.
En 1872, l'urbeto okupesis da Franci, qui ribaptis ol Longchamps, e transformis ol en chef-urbo. En 1784, ol retrodonesia a Nederlandani, qui administris ol til 1812, sub la nomo Stebroek ('lageto').
L'urbo rinomizesis Georgetown honore lora rejulo George la 3ma di Granda Britania, kande ol rianexesis dal Angli ye la 29ma di aprilo 1812. Dum la komenco di Britanian administrado, lokala jurnali interdiktesis skribar pri publika temi. Georgetown oficale deklaresis urbo ye la 24ma di agosto 1842, dum la regno di rejino Victoria. La nomi di la quarteri de Georgetown montras l'influi del Nederlandani, Franci ed Angli qui administris ol dum lua kolonial epoko.
En 1941, Usa apertis aerodromo ube nun jacas l'internaciona aeroportuo Cheddi Jagan. En 1945, l'urbo subisis serioza incendio, qua produktis difuzita destruktado. En 1951 eventis altra serioza incendio, e parto dil urbo rikonstruktesis uzanta betono armaturizita[2]. Depos la nedependo, la nomo di kelka stradi chanjesis, honore individui importanta en la historio di la lando. Exemple Urban Street, qua rinomizesis strado José Pollydore, Guyanana sindikatano.
Segun la demografiala kontado di 2002, Georgetown havis 134 497 habitanti. En 2012, ol diminututabis a 118 363 habitanti.
Geografio
redaktar
La reliefo di Georgetown esas plana, cirkondata per marshi e regiono di savani adeste ed adsude. La maxim alta punto jacas metri super la marala nivelo.
La klimato dil urbo esas tropikala pluvoza (Af segun la klimatala klasifikuro da Köppen), e la mezavalora monatala temperaturi sempre superiras 26°C e varias poke dum la yaro. La humideso esas granda omna dii, esante maxima dum la monati mayo, junio, agosto e de decembro til januaro. Pro lua lokizo, la temperaturi del urbo atenuesas dal venti alizei, qui suflas de nord-este. Pro to, la temperaturi tre rare superiras 31°C.
La mezavalora yarala pluvo-quanto esas 2260,3 mm, e ne existas sika sezono. La maxim pluvoza monato esas junio, kun mezavalore 327,7 mm, e la min pluvoza monato esas februaro, kun 88,5 mm.
Referi
redaktar- ↑ Guyana Population and Housing Census 2012:Preliminary Report -
- ↑ 2,0 2,1 Georgetown|national capital, Guyana - Publikigita da Encyclopaedia Britannica. URL vidita ye 31ma di mayo 2020. Idiomo: Angla.