Bauxito

Bauxito esas la maxim abundanta erco di aluminio existanta en la Tero. Ol konsistas precipue ek hidroxido di aluminio (Al(OH)₃), kun mikra quanti di dioxido di titanio (TiO₂) od ilmenito (FeTiO₃ o FeO.TiO₂). Ol deskovresis en 1821 dal Franca geologo Pierre Berthier proxim vilajo Les Baux-de-Provence, en Provenco. Homajante la vilajo, en 1861 geologo Henri Sainte-Claire Deville nomizis la mineralo "bauxito".

Exemplero pri roko kun bauxito, de Arkansas, Usa.

En 2009, Australia esis la maxim granda produktero mondala di bauxito. La produktado Australiana reprezentis 1/3 ek la mondala. Altra importanta produkteri esas Popul-Republiko Chinia, Brazilia, India e Guinea. Malgre la demando pri aluminio por la industrii kreskabas multe, la kresko di lua ricikligo permisabas diminutar l'uzo di energio por lua produktado e diminutar la bezoni pri troexplotar l'existanta jaceyi di bauxito.