Ekonomio di Kosta Rika
| Ekonomio di Kosta Rika | ||
|---|---|---|
| Pekunio | Colón | |
| Internaciona organizuri | MOK, CAFTA-DR | |
| Statistiki [1] | ||
| Totala nacionala produkturo (TNP) | US$ 109 260 milioni (2021) | |
| Rango TNP | 88ma[2] maxim granda | |
| Kresko di TNP | 7,58% (2021) | |
| TNP po persono | US$ US$ 21 200 | |
| TNP segun sektoro | agrokultivo 5,5%, industrio 20.5%, servadi 73.5% | |
| Inflaciono | 1,73% (2021) | |
| Habitantaro sub la povreso-lineo | 21,7% (2019) | |
| Laboro-povo | 2 426 000 (2021) | |
| Laboro-povo segun okupado | agrokultivo 14%, industrio 22%, servadi 64% | |
| Chomeso | 17,95% (2021) | |
| Komercala parteneri [1] | ||
| Exportaci (US$) | 23 761 milioni (2021) | |
| Exportaci - precipua produkturi | medikal equipuri, banano, ananaso, melono ed altra tropikala frukti, ortopedial equipuri, industriizita nutrivi (2019) | |
| Precipua parteneri | Usa 38%, Nederlando 6%, Belgia 5%, Guatemala 5%, Panama 5% (2019) | |
| Importaci (US$) | 22 298 milioni (2021) | |
| Importaci - precipua produkturi | petrolo, radiotransmisili, vehili, medikal instrumenti, medikamenti (2019) | |
| Precipua parteneri | Usa 41%, Popul-Republiko Chinia 13%, Mexikia 7% (2019) | |
| Publika financi [1] | ||
| Extera debo | 24,91 miliardi (2016) | |
| Revenuo totala (US$) | 8,357 miliardi (2017) | |
| Spenso totala (US$) | 11,92 miliardi (2017) | |
| Noto: Ecepte kande kontree mencionata, valori en ca tabelo esas en Usana dolari | ||
L'ekonomio di Kosta Rika deskreskis 1,3% en 2009, ma pos 2010 ol mantenis forta e stabila ekonomiala dum kelka yari, e kreskis plu kam 4% omnayare, exemple en 2016, kande ol kreskis 4,3%.[1] La lando sucesabis kontrolar desforestizo, e la povreso diminutabis, til ke lua ekonomio subisis l'efekti dil epidemio di KOVID-19.[1]
Exterlanda kolokanti atraktesis pro la politikala stabileso, pro la bona eduko de lua habitantaro, e pro la facilesi de la zoni di libera komerco. Pos la signato di la Konkordo pri Libera Komerco di Central Amerika e Dominikana Republiko (abreviuro Angle: CAFTA-DR) en 2009, kreskis la kolokado en importanta sektori del ekonomio, inkluzite asekuro e telekomuniko. La bazo dil ekonomio esas komerco kun altra landi.[1]
Kosta Rika dependas multe del exportaco di agrokultivala ed industriala produkturi. La lando produktas ed exportacas precipue kafeo, banano, sukro, ananaso, vesti, stofi, ed elektronikal e medikal equipuri. Lua precipua ekonomiala partenero esas Usa. Lua naturala peizaji e biodiverseso atraktas turisti ed anke extera koloko por la turistala sektoro.
Dum recenta yari l'exportaco divenis diversigita pro la kresko di sektori di alta teknologio. Tamen kelka problemi persistas, exemple l'alta nivelo di burokratismo, desfacilesi por efikigar kontrati, febla protekto por kolokadi e, plu recente, la kresko di fiskala deficito, la kreskanta debo publika, e la basa nivelo di revenuo dil habitantaro.[1] Dum 20 yari, la procento di habitanti sub la povreso-lineo kreskis de 20% til 25%.[1] Diferanta de altra Central-Amerikana landi, Kosta Rika ne dependas multe de la pekunio sendita da lua civitani qui vivas exterlande, qua reprezentas nur 0,7% de la TNP. Vicee, ol dependas de la direta kolokado dal exterlandani (qua reprezentas 4% de la TNP).
Referi
redaktar- ↑ 1,0 1,1 1,2 1,3 1,4 1,5 Kosta Rika - The World Factbook - Publikigita da CIA. URL vidita ye 8ma di aprilo 2023.
- ↑ https://www.cia.gov/the-world-factbook/field/real-gdp-purchasing-power-parity/country-comparison