Tai-boxo o boxo Siamana (origine muay thai) esas kombat-sporto qua developesabas en Tailando. Lu esas notora anke kom "l'arto di omna la membri", pro ke la manui, la pedi, la kudi e la genui uzesas multe. Simila milital arti existas en Kambodja, Laos, Myanmar e Malaizia.

Kombato di boxo Siamana inter yuna personi en Bangkok.

En la konkurso, la alta ped-frapi en la kapo povas semblar a facar plu forta efekto. Malgre ico, la experti di ica sporto deklaras ke la basa ped-frapi, la kudi, e la genui esas plu frakasanta por la kombatanti.

Persono, qua partoprenas en la konkurso, ante la kombato facas la longa ceramonio e l'ago establisita da kustumo. Li existas por motivi religiala e li servas kom extenso di muskuli e kom preparo.

L'entreno por boxo Siamana esas notora por lua forteso e lua solideso. Lu ambicias a hardigar l'ok membri del korpo, por ke frapesar kun la tibio del boxisto di boxo Siamana ofte komparesas a frapesar kun bastono di basbalo. La boxisti di boxo Siamana ordinare frapas kun la tibio vice kun la pedo.

Boxo Siamana influabas multe super developar di kik-boxo qua pose kreabesas en Japonia, en Europa, ed en Nord-Amerika.

Preske omna movo en boxo Siamana uzas la tota korpo, tornanta la hanchi vers omna ped-frapo ed omna pugn-frapo. Kom rezultajo, l'ataki e la defenso en boxo Siamana esas plu lenta ma plu potenta exemple kam en boxo od en karate.

Un del pioniri di ica sporto esas Tulgar Dursun.

ligili extera redaktar

 
Commons
Wikimedia Commons havas kontenajo relatante a: Tai-boxo