Bermudi
Bermudi esas Britaniana Transmara Teritorio en nordal Atlantiko. Ol konsistas ek arkipelago qua distas cirkume 1.070 km est-sudeste de Kabo Hatteras en Nordal Karolina, 1.236 km sude del insulo Cape Sable en Nova Skotia, e 1.759 km norde de Kuba.
| ||||||||||||||||||||||||||||||||||||||||||||||||||||||
_(Americas_centered).svg)
Bazala fakti pri Bermudi.
Historio Redaktar
L'insuli Bermudi deskovresis dal Europani cirkume 1503, posible dal Hispana explorero Juan de Bermúdez. Tamen ilu ne desembarkis che l'arkipelago. Unesma Britaniani arivis dum 17ma yarcento.
Dum la duesma mondomilito Bermudi esis strategiala navala e aerala bazo por protektar navi de la Federiti kontre Germana submara navi.
Politiko Redaktar
Bermudi havas sua propra guverno, legaro e konstituco, e l'Unionita Rejio esas nur responsiva por l'extera relati e la defenso dil teritorio. Lua konstituco adoptesis ye la 1ma di junio 1967 ed emendesis en 1989 e 2003.
Lua chefo di stato esas la rejo di Anglia, nun Elizabeth la 2ma, reprezentata da general-guberniestro. Lu indikesas dal rejino. La chefministro (Premier) esas la chefo di guvernerio. Lu indikas la membri dil ministraro.
La legifala povo konsistas ek du chambri, segun la modelo de la parlamento di Westminster, Anglia: la Senato esas la supra chambro, e konsistas ek 11 membri indikita dal guberniestro sub konsilo dal chefministro e dal chefo di la opozantaro. L'Asemblitaro esas la basa chambro, e konsistas ek 36 membri qui elektesas direte dal populo por 5 yari. Nun, la partiso en la povo esas Progressive Labour Party.
La Supra korto judicias en lasta instanco la maxim multa temi civila e la maxim grava temi kriminala. Ol anke povas revizar l'akti dil guvernerio.
Geografio Redaktar
Bermudi konsistas ek arkipelago kun 181 insuli ed insuleti kun volkanal origino partale kovrata da koralii, di qui 8 ligesas per ponti. La maxim granda insulo esas Granda Bermuda. Havanta entote 53,3 km² di surfaco e 103 km di litoro, l'arkipelago distas 1070 km de la kontinento.
La maxim alta punto dil arkipelago esas Town Hill, havanta altitudo di 76 metri. L'insuli ne havas importanta fluvii, e lia biodiverseso modifikesis multe depos la komenco di la koloniigo. Nun, de la 165 speci di planti existanta ibe, 14 esas endemika e 25 esas endanjerigata, exemple lokala speco di junipero, Juniperus bermudiana. Kelka speci di animali anke divenis minacata pri extingo, exemple Bermudiana petrelo, Pterodroma cahow.
La klimato dil arkipelago esas tropikala Af, segun la klimatala klasifikuro da Köppen. La marala kurento dil gulfo varmigas lua klimato, e la mezavalora temperaturi esas 27,6°C en agosto (somero) e 18°C en februaro (vintro). Uragani ordinare eventas omnayare de junio til novembro.
| Precipua artiklo: Triangulo di Bermudi |
Ekonomio Redaktar
| Precipua artiklo: Ekonomio di Bermudi |
En 1970, dolaro di Bermudi remplasis la pundo di Bermudi kom monetaro. Lua kurso di kambio esas stitfita a la dolaro di Usa, e la noti ne portas l'imajo di la rejino Elizabeth la 2ma. Segun statistiki de 2007 la totala nacionala produkturo esis US$ 5,85 miliardi en 2007. To rezultis TNP per persono di US$ 91.477, lor la maxim alta de la mondo.
Demografio Redaktar
Segun statistiki de The World Factbook por julio 2018, Bermudi havis 71 716 habitanti.[1] La maxim multa (53,8%) esas negri. Blanki esas 31%, mestici esas 7,1%, e pri 0,6% ne existas informo.[1]
L'oficala linguo di la lando esas l'Angla. Portugalana anke parolesas.[1]
La religio kun maxim granda nombro di adepti esas protestantismo: 46% de la habitantaro, inkluzite Anglikani, Episkopalisti, Adventisti, edc. Katoliki esas 14,5%, testi di Jehova esas 1,3%, altra kristani esas 9,1%, Mohamedani esas 1%, 3,9% praktikas altra religii, 17,8% praktikas nula religio, e 6,2% ne informis pri religio.[1]
Kulturo Redaktar
Referi Redaktar
- ↑ 1,0 1,1 1,2 1,3 Bermuda - The World Factbook. CIA. URL vidita ye la 27ma di aprilo 2019.