Apertar la precipua menuo
Bermuda
Flag of Bermuda.svg Coat of arms of Bermuda.svg
Chef-urbo Hamilton
United Kingdom on the globe (Bermuda special) (Americas centered).svg
Oficala linguo Angla. La Portugalana parolesas da enmigranti.
Surfaco 53 2 km²
Habitanti
Denseso di habitantaro
64 237 (2010)
1207 hab./km²
Guberniestro John Rankin
Horala zono UTC-4
(UTC-3 dum la somero)
TNP (yaro) US$ 5.853 milioni (2017)
Reto www.gov.bm

Bermuda esas Britaniana Transmara Teritorio en nordal Atlantiko. Ol distas cirkume 1.070 km est-sudeste de Kabo Hatteras en Nordal Karolina, 1.236 km sude del insulo Cape Sable en Nova Skotia, e 1.759 km norde de Kuba.

Bazala fakti pri Bermuda.

Indexo

HistorioRedaktar

Bermuda deskovresis dal Europani cirkume 1503, posible dal Hispana explorero Juan de Bermúdez. Tamen ilu ne desembarkis che l'arkipelago. Unesma Britaniani arivis dum 17ma yarcento.

Dum la duesma mondomilito Bermuda esis strategiala navala e aerala bazo por protektar navi di la Federiti kontre Germaniana submara navi.

PolitikoRedaktar

 
L'Asemblitaro e la Supra Judicieyo di Bermuda nominezas Sessions House, ed ambe havas sideyi en la sama edifico.

Bermuda havas propra guverno, legaro e konstituco, e l'Unionita Rejio esas nur responsebla por l'extera relati e la defenso dil teritorio. La konstituco adoptesis ye la 1ma di junio 1967 ed emendesis en 1989 e 2003.

Lua chefo di stato esas la rejo di Anglia, nun Elizabeth la 2ma, reprezentata dal general-guberniestro. Ilu indikesis dal rejino en 2016. La chefministro (Premier) esas la chefo di guvernerio. Lu indikas la membri dil ministraro.

La legifala povo konsistas du chambri, segun la modelo del parlamento di Westminster, Anglia: la Senato esas la supra chambro, e konsistas ek 11 membri indikita dal guberniestro sub konsilo dal chefministro e dal chefo di la opozantaro. L'Asemblitaro esas la basa chambro, e konsistas ek 36 membri qui elektesas direte dal populo por 5 yari. Nun, la partiso en la povo esas Progressive Labour Party.

La Supra korto judicias en lasta instanco la maxim multa temi civila e la maxim grava temi kriminala. Ol anke povas revizar l'akti dil guvernerio.

GeografioRedaktar

Bermuda konsistas ek 181 insuli ed insuleti kun volkanal origino, di qui 8 ligesas per ponti. Havanta entote 53,3 km² di surfaco e 103 km di litoro, l'arkipelago distas 1070 km de la kontinento.

Lua klimato esas tropikala Af, segun la klimatala klasifikuro da Köppen. La marala kurento dil gulfo varmigas lua klimato, e la mezavalora temperaturi esas 27,6°C en agosto (somero) e 18°C en februaro (vintro).

EkonomioRedaktar

 Precipua artiklo: Ekonomio di Bermuda

En 1970 la dolaro di Bermuda remplasis la pundo di Bermuda kom monetaro. Lua kurso di kambio esas stitfita a la dolaro di Usa, e la noti ne portas l'imajo di la rejino Elizabeth la 2ma. Segun statistiki de 2007 la totala nacionala produkturo esis US$ 5,85 miliardi en 2007. To rezultis TNP per persono di US$ 91.477, la maxim alta en la mondo.

Malgre ne jacar en Karibia, Bermuda esas membro di Caricom.

DemografioRedaktar

 
Demografio di Bermuda.

Segun statistiki de The World Factbook por julio 2018, Bermuda havis 71 716 habitanti.[1] La maxim multa (53,8%) esas negri. Blanki esas 31%, mestici esas 7,1%, e pri 0,6% ne existas informo.[1]

L'oficala linguo di la lando esas Angla. Portugalana anke parolesas.[1]

La religio kun maxima nombro di adepti esas protestantismo: 46% de la habitantaro, inkluzite Anglikani, Episkopalisti, Adventisti, edc. Katoliki esas 14,5%, testi di Jehova esas 1,3%, altra kristani esas 9,1%, Mohamedani esas 1%, 3,9% praktikas altra religii, 17,8% praktikas nula religio, e 6,2% ne informis pri religio.[1]

KulturoRedaktar

 
Ica seciono esas vakua, nesuficante detaloza o nekompleta. Vua helpo esas bonvenanta!

ReferiRedaktar

  1. 1,0 1,1 1,2 1,3 North America::Bermuda - The World Factbook. CIA. URL vidita ye la 27ma di aprilo 2019.