Zürich
| Zürich | ||
| ||
| Kelk imaji pri Zürich | ||
|
| |
| Standardo | Blazono | |
| Lando: |  Suisia
| |
| Regiono: | Kantono Zürich | |
Informo:
| ||
| Latitudo: | 47°22'N | |
| Longitudo: | 8°33'E | |
| Altitudo: | 408 m | |
| Surfaco: | 87,88 km² | |
| Habitanti: | 423 193[1] (2021) | |
| Denseso di habitantaro: | 4813 hab./km² | |
| Horala zono: | UTC+1:00 (UTC+2:00 dum la somero) | |
| Urbestro: | Corine Mauch (SPS/PSS) | |
Mapo:
| ||
.png)
| ||
Zürich esas la maxim populoza urbo di Suisia e chef-urbo di la kantono samnoma. Segun statistiki de 2021, ol havis 423 193 habitanti[1], de qui 32,4% esas stranjeri. Lua tota surfaco esas 87,88 km². Lua metropolala regiono havas cirkume 1,83 milion habitanti.
Lua ferovoyala staciono esas la maxim granda di Suisia. Kun lua aeroportuo, ol formacas importanta koncentro-punto por transporti en Europa. Pro la granda banki kun sideyi ibe (exemple UBS, Zürcher Kantonalbank e Credit Suisse) ed asekuro-kompanii, ol esas la maxim importanta financala centro di Suisia, ed un e la maxim importanta de la mondo. La kampusi di la du maxim granda universitati Suisa - ETH Zürich ed Universität Zürich - jacas ibe. Pro jacar apud la bela lago Zürich, pro sua bone prezervata konstrukturi de la Mezepoko, e pro sua noktala vivo e kulturala loki, Zürich ank esas centro por turismo.
Geografio redaktar
La reliefo di Zürich esas plana an la valo dil rivero Limmat, la zono maxim habitata dil urbo. Ca plana areo esas larja de du o tri kilometri. L'areo dil urbo inkluzas regioni di Suisa platajo. Limmat fluas de la lago Zürich sude adnordweste.. Lua mezavalora altitudo esas 408 metri sur la marala nivelo.
Segun la klasifikuro uzata, la klimato di Zürich povas judikesar kom oceanala (Cfb, segun la klimatala klasifikuro da Köppen, od humida kontinentala (Dfb) en alta regioni. Amba klimati havas quar sezoni klare definita e varma someri. Vento Föhn anke havas kelka impakto en la klimato di Zürich. Lua mezavalora temperaturo yarala esas 9,3°C. En januaro (vintro) la minima mezavalora temperaturo esas -2°C, kontre ke en julio la maxima mezavalora temperaturo esas 24°C
La mezavalora yarala pluvo-quanto dil urbo esas 1134 milimetri. Ne existas sezono komplete sika en la urbo, tamen la maxim pluvoza epoko iras de mayo til septembro. Ordinare nivas de novembro til marto o komenco di aprilo. Februaro esas la maxim nivoza monato, kande la nivo-quanto povas atingar 22 centimetri.
Referi redaktar
- ↑ 1,0 1,1 Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2021 - URL vidita ye 23ma di julio 2023. Idiomo: Germana.