Unter den Linden
Unter den Linden ("sub la tilii") esas bulvardo en la centrala Mitte-distrikto di Berlin, la chefurbo di Germania.
Iranta de la Berlin-Palaco a la Brandenburg-Pordego, ol nomizesas pro la tilii alonge la pedireyo meze e la du larja autovoyi. L'avenuo ligas plura vidindaji, edifici e monumenti di Berlin.
Geografio
redaktarUnter den Linden iras este-weste del rejala palaco Stadtschloss ye Lustgarten-parko, ube la Palaco di la Republiko olim stacis, til Pariser Platz e la Brandenburg-Pordego. Este la bulvardo transiras la rivero Spree ye Berlin-Katedralo e duras kom Karl-Liebknecht-Straße. La adwesta durigo dop la Brandenburg-Pordego esas Straße des 17. Juni. Granda norda-suda stradi qui transiras Unter den Linden esas Friedrichstraße e Wilhelmstrasse.
Historio
redaktarUnter den Linden, situita ye la sino dil historiala parto di Berlin, developesis de kavalovoyeto establisita en la 16ma yarcento. Ol remplasesis per bulvardo de tilii plantacita en 1647, del urbo-palaco til la urbo-pordego. Dum ke la westala parto dil bulvardo retenis sua karaktero, l'areo cirkum nuna Bebelplatz integrigesis aden Berlin pos la Triadek-Yara Milito, videbla til hodie nam esas nula arbori.
En la 19ma yarcento, dum ke Berlin kreskis ed expansesis adweste, Unter den Linden divenis la maxim bone konocata e grandioza strado en Berlin. En 1851 la famoza kavalkala statuo di Rejo Frederik II di Prusia erektesis en la centrala strio, desegnita da Christian Daniel Rauch. Johann Strauss III kompozis la valso "Unter den Linden" en 1900. Dum konstrukto di la Nord-Süd-Tunelo por la S-Bahn di Berlin en 1934-35, la maxim multa tilii abatesis, e dum la lasta dii dil Duesma Mondo-Milito la restinta arbori destruktesis od abatesis. La hodiala tilii riplantacesis dum la 1950a yari.
Turismo
redaktarDepos la riuniono di Germania en 1990 apertesis en Unter den Linden diversa kafeerii e restorerii e multa bela butiki. Anke organizesas multa eventi en libera aero. Cirkum la libro-echopi che Humboldt-Universitato e la biblioteko Staatsbibliothek esas ofte esamo de turisti e studenti.
Kelka edifici en Unter den Linden esas: