Tatari

Tatari esas grupo di Turka populi de Europa e nordala Azia.

Nuntempa regioni kun Tatari.

Tatarino (18ma yarcento).

Ili devenis de nord-estala Mongolia e regiono che lago Baikal, probable ili havas parenteso kun Kipchaki e Kumani. Tatari divenis parto di mult-etniala imperio di Chingiz-kano, e vorto Tatari en atakita Europa esis por Europani sinonimo di Mongoli.

Pos falo di Mongola imperio, en olua westala parto, Tatari kreis kelka stati (kanii), inter altri: Ora Hordo (1240-1435), Kanio Astrahan (1466-1554), Kanio Kazan (1438-1552), Kanio Siberia (1490-1598), Kanio Krimea (1427–1783).

En 14ma yarcento religio di Tatari divenis sunnismo (fraciono di islamo).

Nuntempe nomo Tatari apartenas a lojanti di republiko Tatarstan, qui esas decentanti di Tatari de Kazan.

Kanio Krimea esis teritorio dependanta di Otoman imperio, e ofte atakis stati vicine ekz.: Polonia-Lituania e Rusa imperio. Krimeana Tatari konquestesis da Rusia en 1783, e rapide Tatari en Krimea divenis minoritato pro koloniizado da Rusiani. En 1944 Krimeana Tatari kunlaboris kun Niziista Germania e pro to Stalin diplasis ili a RSS Uzbekistan. Pos 1989 ili riveneskis a la peninsulo.