Shablono:Eventi/15 di novembro

Kapsulo di Gemini 15 (XII)

• 655. Penda, rejulo di Mercia (nuntempa centrala Anglia) de cirkume 626, mortis ye la batalio di la Winwaed. Dum la yari ante la batalio, Penda sucesoze dominacabis Bernicia (nuntempa sud-esta Skotia e nord-esta Anglia) di qua la rejulo esis Oswiu; en ca yaro il invadis Bernicia. Detali di ca batalio esas poka, e la loko ne esas savata. Pro ca batalio Mercia perdis olua dominacado. Penda esis lasta importanta pagana rejulo en Anglia; rejuli di Mercia esis Kristana pos la morto di Penda, e paganismo desaparis.

• 1784. Jérôme Bonaparte, maxim yuna fratulo di Napoléon 1ma, naskis en Korsika. En 1807 Napoléon donis ad il la Rejio di Vestfalia; ol esi nova rejio kreata da Napoléon de la nuntempa stato Hesia e vicina Germana teritorii. La precipua urbo esis Kassel. Jérôme imitis la imperio-stilo di Paris, e dum kurta periodo Kassel esis kulturala centro en qua Jérôme disipeme rezidis. Napoléon desprizis ca konduto di sua fratulo, e refuzis financale suportar il. La Rejio di Vestfalia duris til 1813, kande Rusiana armeo prenis Kassel.

• 1966. La lasta spaco-flugo di la Gemini-projeto di NASA finis kande membri Jim Lovell and Buzz Aldrin retrovenis a Tero en Gemini 12. La kosmonavo lansesabis ye 11 di novembro. Dum la exkurso, Aldrin demonstris ke on povis laborar efikive exter la navo, trifoye irante extere e facante kelka taski. La kosmonavo anke sucesoza esis ligata e desligata ad altra vehilo.