Serbala Republiko
Serbala Republiko (Rепублика Српска en la Serbiana, Republika Srpska en la Bosnaia e la Kroata) esas un di la du entiteti de Bosnia e Herzegovina. Ol jacas en la nordo ed esto de Bosnia e Herzegovina.
Република Српска Republika Srpska
| ||||||||||||||||||||||||||||||||||||||||||||||||||||||
Serbala Republiko formacesis en la Bosniana interna milito ye la yaro 1992 e dominacesas de Serbi. La Serbala Republiko havas sua propra politikala sistemo kun prezidanto, guverno e parlamento.
Geografio redaktar
La Serbala Republiko havas areo di 25.053 kilometro-quadrato e to esas 49 po cent dil areo di Bosnia e Herzegovina.
Urbi en Serbala Republiko redaktar
Inter 1992 e 1996 la chefurbo dil Serbala Republiko esis Pale. Depos la yaro 1996 la maxim granda urbo Banja Luka esas la chefurbo.
Historio redaktar
Serbala Republiko fondesis ye la 9ma di januaro 1992 sub la yaro Serbala Republiko Bosnia e Herzegovina. Depos 12ma di agosto 1992 Serbala Republiko havas sua aktuala nomo. Dum la Bosniana interna milito la Serbala Republiko kombatis militale kontre la nedependo di Bosnia e Herzegovina. Serbala Repubiko volis restar parto di Yugoslavia o divenar parto di Serbia. Per li Pakto di Dayton Serbala Republiko ye 1995 agnoskesis internacione kom autonoma entiteto di Bosnia e Herzegovina, ma restis parto dil stato Bosnia e Herzegovina.
Politiko redaktar
Serbala Republiko havas sua propra politikala sistemo. La parlamento dil Serbala Republiko konsistas de du domi. La Nacionala Asembluro di Serbala Republiko havas 83 membri e la Domo di populi di Serbala Republiko havas 28 membri.
Serbala Republiko havas prezidanto e du vice-prezidanti qui elektesis direte da populo. Serbala Republiko havas sua propra guverno.
La dominanta politikala partisi esas la SNSD e la SDS.
Ekonomio redaktar
Por la ekonomio dil Serbala Republiko la agronomio e la produktado di nutrivo pleas importanta rolo. Por l'industrio la nafto-kemiala industrio, la metalo-industrio e la explotado di mini esas importanta branchi.
Sporto redaktar
Futbalo, handbalo e basketbalo esas la maxim populara sporti en la Serbala Republiko. La sportisti di Serbala Republiko partiprendas en internaciona sporto-konkursi por Bosnia e Herzegovina e la sporto-klubi ludas en la ligi di Bosnia e Herzegovina.