Diktatoreso dil proletariaro

Diktatoreso dil proletariaro esas termino unesmafoye uzita da Karl Marx en 1875, en la libro "kritiko a Gotha-programo". Ol referas ad transito-periodo inter kapitalismala e komunista socio, en proletariaro (la laboristi qui recevas salarii) prenus kontrolo di la povo, vice la borgezaro (granda proprieteri kapitalista). Segun Marx e Friedrich Engels, por esar transito-periodo inter kapitalismo e komunismo, la diktaroreso dil proletariaro ne povas judikesar kom fino di la formo di produkto kapitalista.

Pose, Vladimir Lenin establisis ke la stato organizita segun la diktatoreso dil proletariaro ne nur existus dum "transito-periodo", ma anke existus dum l'unesma fazo di komunismo, ed ol organizus l'ekonomio e la produkto-formo socialista. Segun diferanta vidopunti Leninista, on judikas ke dum l'epoko di la diktatoreso dil proletariaro la klaso-koncienco dil proletariaro e di la ruranaro mustas formacesar, e la dominacanta ed explotanta klasi sociala mustas represesar, por preventar ke li restaurez kapitalismo.