Pos-modernismo
La frazo pos-modernismo uzesas por referar mult artala, kulturala, literaturala e filozofiala movementi qui aparis dum la 20ma yarcento e duras existar til nun. Koncize, la skopo di tale-dicit idei o konceptaji pos-modernista esas superirar od opozar su ad idei deskriptita kom "modernista". Un de la problemi pri dicar "quo esas (kozo, ideo, filozofio...) moderna" e "quo esas (kozo, ideo...) pos-moderna", esas establisar klara limito inter ca du.
Esas generala kulturala developo, nome en Nord-Amerika, qua rezultis en krulo di konfido en la racionala ed universala principi di la Racion-epoko. Lua karakterizivo esas la negado di "lo absoluta", ecepte la kredo ke nulo absoluta existas. Por filozofi pos-modernista, la realeso objektiva ne povas agnoskesar ed ol promocas kulturala, moral ed intelektala relativismo. Lo maxim bon esas tolero. La movemento havas multa politikal evolucioni: feminista movemento, movementi pri rasal egaleso, movemento pri yuri di homeosexuali, anarkiista movemento, e la movemento por paco.
Filozofi kelkafoye judikata kom "pos-modernisti"
redaktarTeorii
redaktarDeskonstrukto
redaktarUn ek la maxim populara pos-moderna tendenci en estetiko esas tale-nomizita "deskonstrukto". Quale uzata nun, "deskonstrukto" esas Derridana aproximo al textal analizo. Deskonstrukti laboras tote en la studiita texto por expozar e febligar la refero-kadro, asumi ed ideologiala fundamenti dil texto.