Perseverance esas vehilo por explorar Marso.

Ceno sur Marso, montranta traci di la roti di la vehilo

La navo portanta la vehilo esis lansata de Tero ye 30 di julio 2020. Ye 18 di februaro 2021 ol atingis la surfaco di la planeto, ye la kratero Jezero.

La vehilo esas plubonigita versiono di antea vehilo sur Marso, Curiosity. Ol portas 19 kameri e plura instrumenti por studiar la planeto. Ol anke portas robotala helikoptero Ingenuity, por unesmafoye flugar sur planeto exter Tero.

Ula skopo di la misiono esas deskovrar anciena cirkumaji qui povus sustenar vivanta enti, e ka Marso ulatempe havis tala enti. Plusa skopi esas probar produktado di oxigeno en l'atmosfero, preparante por homala voyaji a Marso; e prenar specimeni de la petro en la kratero Jezero. Esas esperata ke, per ta specimeni, on eventuale saveskos la geologiala historio di la kratero, e la interna lago qua ultempe existis. Specimeni, en titania cilindri, pozesis proxim Perseverance, por forpreno en futura misiono a Marso. La kolekturo de dek cilindri esis kompleta ye la fino di januaro 2023.