Ocitaniana linguo
| Ocitaniana | |||
|---|---|---|---|
| occitan | |||
| Parolata en: | Francia, Hispania, Italia, Monako | ||
| Regiono: | Ocitania | ||
| Quanto di parolanti: | 1 til 3,7 milioni (1ma e 2ma linguo) | ||
| Klasifikuro: | Indo-Europana linguaro Latinida lingui Westala grupo Ocitano-Latinida linguaro Ocitaniana | ||
| Oficala stando | |||
| Oficala linguo en: | Hispania (Valo di Aran, kun nomo Aranana) | ||
| Regulata da: | Conselh de la Lenga Occitana | ||
| Kodexi | |||
| ISO 639-1: | oc | ||
| ISO 639-2: | oci | ||
 | |||
| Videz anke: Indo-Europana linguaro – Linguaro – Linguaro | |||
Ocitaniana esas Latinida linguo parolata en Ocitania, precipue parto di la sudala Francia, nord-estala Hispania (la regiono Valo di Aran, la nura regiono ube Ocitaniana esas oficala linguo), Italia (la regiono Guardia Piemontese e la regiono Vali Ocitani en la nord-westo di la lando, sur la bordo kun Francia), ed en Monako.
Historio redaktar
Ocitania esas la nomo di la historiala regiono ube Ocitaniana parolesas. Ol cirkumklozis la sudo di nuna Francia, parto di nor-estala Hispania (nordo di Katalunia) ed nord-westo di nuna Italia.
Existas richa literaturo de la Mez-epoko en Ocitaniana linguo, specale poezio. En ta epoko aparis la trubaduri[1] en sudo di Francia, qua skribis poemi e kompozis kanti por deklamar li. Peire d'Alvernhe e Bernat de Ventadorn esis du ek la maxim anciena trubaduri de ta epoko. La precipua temo di lia poezio esas amo, specale di la nobeleso[2].
Pos 13ma yarcento la literaturo en Ocitaniana perdis inspireso e dekadeskis. La precipua temi divenis religiala[2].
Dialekti redaktar
Ocitaniana havas sis dialekti:
- Arverniana
- Gaskoniana (inkluzas Aranana)
- Lemosina
- Lengadocana
- Provencala (inkluzas la dialekto di Nice o Niceana)
- Vivaroalpina
Referi redaktar
- ↑ Bernard Klein, "La Trubaduri", Antologio di letro internaciona e kuriero internaciona - Kompleta ...
- ↑ 2,0 2,1 Enciclopédia Delta-Larousse, vol 7 2mª Ediciono. Rio de Janeiro, Brazilia, 1964 (en Portugalana)