Ocitania (Ocitaniane: Occitània; pronuncez /utsiˈtanjɔ, uksiˈtanjɔ, ukʃiˈtanjɔ, uksiˈtanja/) esas historiala e kulturala regiono jacanta an sudwestal Europa ube Ocitaniana linguo olim parolesis ordinare. Ol korespondas a la centro-sudo di Francia (Midi) ed anke Aran-valo en Katalunia (Hispania) ed kelk Alpina vali nomizita "Ocitana Vali che Piemont" (Italia). Ol habitesas da cirkume 16 milion personi, di qui 200 mil til 800 mil esas sive nativa, sive experta parolanti di l'Ocitaniana, quankam la Franca, la Hispana e la Kataluniana esas la maxim parolata idiomi en l'areo. L'Ocitaniana, per lua dialekto Aranana, ank esas un ek l'oficala lingui di Katalunia depos 2006.

Occitània
Maxim granda urbo Marseille, Montpellier, Nice e Toulouse
Surfaco km²
Habitanti
Denseso di habitantaro
16 milion (2020)
hab./km²