Newfoundland e Labrador

Newfoundland e Labrador esas estala provinco di Kanada. Segun statistiki de 2020, ol havis 522 103 habitanti. Lua tota surfaco esas 405 720 km². Olua precipua urbo esas St John's.

Newfoundland e Labrador Provinco di Kanada Chefurbo Sant-John's Surfaco 405 720 km² Habitanti Denseso di habitantaro 522 103 (2020) 1,39 hab./km² Guberniestro Judy Foote Horala zono UTC-3:30 (Newfoundland) UTC-4:00 (Labrador)

Historio

Frua historio

Jacques Cartier exploris la regiono en 1534. Troilus de Mesgouez vizitis la insulo plu tarde en la 16ma yarcento.

Frua koloniisto John Guy projetis koloniizar Nova-Lando pos vizito al insulo en 1608. Il ed altra komercisti de Bristol suskriptis a l'entraprezo, e rejulo James la 1ma di Anglia grantis charto en aprilo 1610. John Guy ed altra koloniisti departis de Bristol, Anglia, en 5ma di julio 1610, seglirante a Nova-Lando.

La kolonio, di qua Guy esis guberniestro, esis sucesoza. Il retroiris ad Anglia en somero di 1611, e retrovenis a Nov-Lando en 1612 kun plusa koloniisti. Il esforcis establisar furo-komerco kun indijeni. Il lasta-foye retroiris ad Anglia en 1613. En 1618 il divenis urbestro di Bristol.

20ma yarcento

Newfoundland divenis provinco di Kanada ye la 31ma di marto 1949. La anciena kolonio di Britania guvernesabis da komisitaro depos 1934, lor periodo di grava ekonomiala depreseso. La komercala agadi esis precipue peskado e foresto-kultivado. En 1948 eventis du plebiciti por selektar la formo di guvernado: responsiva guvernado, duro di la komisitaro o federo kun Kanada.

Ye la 1ma di julio 1916 dum la batalio di Somme, 800 viri del 1ma Regimento de Newfoundland atakis. Min kam mez-horo pose, preske omni mortabis, o restis grave vundita.

Ye la 2ma di julio 1992 "fristo" (divenas halto) por peskado di maxim importanta gado.