Nassau
| Nassau | ||
| ||
| Portuo por krozonavi en Nassau. | ||
| Lando: |  Bahama
| |
Informo:
| ||
| Latitudo: | 25°04' N | |
| Longitudo: | 77°20' W | |
| Altitudo: | 10 m | |
| Surfaco: | 207 km² | |
| Habitanti: | 241 207 (2010) | |
| Denseso di habitantaro: | 1.325,6 hab./km² | |
| Horala zono: | UTC-5 | |
Mapo:
| ||
| ||
Nassau esas chef-urbo, maxim granda urbo e la komercala centro di Bahama. Kun 241 207 habitanti segun la demografiala kontado di 2010, ol koncentras 70% ek la habitantaro dil arkipelago.
Historio
redaktar
Nassau fondesis en 1656 dal Angli kun la nomo Charles Town, homaje al rejo Charles la 2ma di Anglia. Ol uzesis kom portuo dal Angla pirati til 1684, kande Franca-Hispana floto destruktis ol. Ol rikonstruktesis en 1695 e ribaptesis "Nassau", kande rejo William de Orange, de la Nederlandana familio Orange-Nassau, asumis Britaniana trono. Tamen ol duris esar piratala kolonio, ed itere destruktesis dal Hispana armeo. L'urbo itere rikonstruktesis en 1697 ed uzesis dal pirati, ed itere destruktesis dal Hispani. Fine, la pirati rikonstruktis ol en 1713, e pirati quale Edward Teach (Nigra Barbo), Calico Jack, Anne Bonny e Mary Read duris uzar la vicina insuli kom refujeyo dum kelka yari.
En 1718 Britaniani rekuperis la kontrolo dil insuli, e la kapitano Woodes Rogers divenis generala guvernisto. Rogers riestablisis l'administrado e la komerco e rikonstruktis la fortreso di Nassau. En 1720 Hispani probis rikonquestar l'urbo, sensucese.
En 1728 l'Angli establisis en Nassau l'unesma parlamento di Bahama. Dum la milito pri nedependo di Usa, l'ekonomio di Nassau kreskis multe, e nova fuorto konstruktesis kun pekunio obtenita de korsareso. Dum tale nomizita "batalio di Nassau" en 1776, l'urbo okupesis dum kurta tempo da Usani. Dum l'interna milito di Usa, ol uzesis kom portuo por eskapar la blokuso impozita kontre kunfederita stati.
Dum la yari 1920a e 1930a, Nassau profitis kun la proskripto di la vendo di alkoholo en Usa.
Fratala urbi
redaktar- Detroit, Michigan,
Usa[1] - Winston-Salem, Nordal Karolina, Usa[2][3]
- Acapulco,
Mexikia - Shanghai,
PR Chinia - Paraná,
Arjentinia - Kish,
Iran
Referi
redaktar- ↑ Sister Cities Program | City of Detroit - Autoro: Sister Cities Program. Publikigita da www.detroitmi.gov. URL vidita ye 10ma di decembro 2012.
- ↑ Sister Cities Winston-Salem. City of Winston-Salem.
- ↑ Winston-Salem, NC. Interactive City Directory. Sister Cities International, Inc.