Muhammad Ali Jinnah
| Muhammad Ali Jinnah | ||
| ||
| Profesiono: | advokato e politikisto | |
| Lando: |  Pakistan
| |
| Naskodato: | 25 di decembro 1876, 1870a yardeko | |
| Nasko-loko: | Karachi, Britaniana India (nun Pakistan) | |
| Mortodato: | 11 di septembro 1948 | |
| Morto-loko: | Karachi, Pakistan | |
| Retoloko: | http://majinnah.com.pk | |
Muhammad Ali Jinnah (n. Mahomedali Jinnahbhai ye la 25ma di decembro 1876 til la 11ma di septembro 1948) esis Pakistanan advokato, politikisto, e fondinto di Pakistan.[1]
Jinnah komencis laborar en London en 1892 ma balde abandonis lua laboro por studiar lego, e influesis da Britaniana liberalismo dil 19ma yarcento, inkluzite demokratial idei. Kande ilu retroiris a India, lu laboris kom advokato en Bombay, l'unika Mohamedan advokato en la urbo.[1]
Il esis chefo di Mohamedana Ligo de 1913 til 1947, ed esis l'unesma generala-guvernisto di Pakistan pos la nedependantesko, ye la 14ma di agosto 1947, til lua morto. Komence ilu defensis l'ideo pri l'uneso inter Mohamedani e Hindui por obtenar reformi en Britanian administrado en India. Ilu komencis divergar de Gandhi kande ilu propozis l'ideo pri satyagraha (nek violento, nek koopero) kontre Britaniani. Jinnah judikis satyagraha kom politikal anarkio e kredis ke on povus obtenar propra guvernerio por India tra konstitucala moyeni.
En oktobro 1934, Jinnah elektesis por Centrala Legifal Asemblitaro (la basa chambro di Britanian India), quankam ilu lore stacis en London. En 1937 eventis provincal elekti en India, e la Mohamedana Ligo ne obtenis la majoritato, inkluzite en la provinci ube Mohamedani esis majoritato. Ta elekto afektis Jinnah profunde: pos ol, ilu komencis aceptar l'ideo pri dividar India en du stati. En multa provinci, lokala guvernisti facis nula esforco por respektar la kulturo e la religiala sentivesi di Mohamedani.
En 1940 Muhammad Ali Jinnah kunvokis renkontro di la Ligo por diskutar la situeso pos l'eniro di India en la duesma mondomilito. Jinnah kritikis forte Indiana Kongreso e la nacionalisti, e defensis l'ideo pri Du Separita Nacioni, e la motivi por demandar separita nacioni por Hindui e por Mohamedani.[2]
Pos la nedependantesko, ilu probis establisar guvernala e politikala bazi di la nova naciono. Jinnah judikesas kom la maxim granda chefo e heroo di Pakistan, quankam Indiani ne havas bon imajo pri ilu.
Referi
redaktar- ↑ 1,0 1,1 Ahmed, Akbar S.:'Jinnah, Pakistan, and Islamic Identity: The Search for Saladin' Publikigita da Routledge. Loko di publikigo: London. Dato di publikigo: 1997. Idiomo: Angla.
- ↑ Wolpert, Stanley A.:Jinnah of Pakistan. Publikigita da Oxford University Press. Loko di publikigo: New York. Dato di publikigo: 1984.