Monte Rio
Strado en Monte Rio
Lando: Usa
stato: Kalifornia
Informo:
Latitudo: 38°28′13″N
Longitudo: 123°0′50″W
Altitudo: 13 m
Surfaco: 5,12 km²
Habitanti: 1 152 (2010)
Denseso di habitantaro: 230 hab./km²
Horala zono: UTC-8
(UTC-7 dum la somero)
Mapo di Monte Rio

Monte Rio esas loko nomizita por demografiala statistiki en la komtio Sonoma, en Usana stato Kalifornia. Segun la demografiala kontado di 2010, ol havis 1 152 habitanti, kontre 1 104 habitanti en 2000. Lua tota surfaco esas 5,12 km², equivalanta a 1,98 mi².

Ol jacas alonge la Russian-Rivero, proxim la Pacifika Oceano.

Urbo Guerneville situesas nordeste de Monte Rio, ed urbo Jenner jacas weste.

La famoza retreteyo Bohemian-Bosko situesas en Monte Rio.

Historio redaktar

De la 1870a yari, Monte Rio esis halteyo en la fervoyo North Pacific Coast Railroad qua konektis Cazadero kun Sausalito, Kalifornia. Sequoyo-ligno de lokala sego-fabrikerii kargesis por konstruktar San Francisco. Plu tarde, l'urbo konocesis kom "Vacation Wonderland" kun treni qui transportis San Francisco-ani a somero-kabani e mem sep-etaja hotelo.

La treni ne plus servas, e l'urbo nun habitesas precipue da plen-yara rezidanti.

Malgre intensa forest-explotado dum la duesma duimo del 19ma yarcento, la Sonoma Lumber Company prezervis 65-hektara bosko de anciena sequoyi, qua vendesis a la Bohemian Club di San Francisco en 1899. La klubo kompris dozeni de altra parceli en l'areo, e nun proprietas entote 1098 hektari, quin ol uzas por sua somero-retreti.