Mondala Kupo di Futbalo 1930

La unesma Mondala Kupo di Futbalo komencis ye 13 di julio 1930 en Uruguay. Ca loko selektabis da FIFA (la federuro internaciona por asociuro-futbalo) pro ke en ta yaro Uruguay celebris cent yari di olua unesma konstituco; anke, la futbalo-esquadro di Uruguay esis sucesoza ye la Olimpiala Ludi en Amsterdam, 1928. Pro desfacileso di voyajado, la plu multa de la 13 esquadri en la konkurso esis de sud-Amerika; ultre ti, 6 landi exter ca kontinento esis reprezentata: Belgia, Francia, Mexikia, Rumania, Usa e Yugoslavia. Omna ludi eventis en Montevideo, la plu multa ye la Estadio Centenario, qua esis konstruktita por ca konkurso. La mi-finali esis inter Usa ed Arjentinia, en qua Arjentinia esis vinkoza (6-1); ed inter Yugoslavia ed Uruguay, en qua Uruguay esis vinkoza (6-1). En la finalo, qua eventis ye 30 di julio, Uruguay vinkis Arjentinia (4-2).