Mogadishu
| Mogadishu | ||
| ||
| Kelk imaji pri Mogadishu | ||
| Lando: |  Somalia
| |
| Latitudo: | 2°02' N | |
| Longitudo: | 45°21'E | |
| Altitudo: | 9 m | |
| Surfaco: | 1657 km² | |
| Habitanti: | 901 183[1] (2005) | |
| Horala zono: | UTC+3 | |
| Urbestro: | Yusuf Hussein Jimaale | |
| ||
Mogadishu (Somaliane: Muqdisho, lokale konocata kom Xamar o Hamar) esas la chef-urbo e maxim populoza urbo di Somalia. Segun statistiki del Unionita Nacioni, ol havis 901 183 habitanti en 2005.[1] Multa importanta institucuri Somaliana havas sideyi ibe.
Dum yarmili ol esis importanta portuo de komercala navigo-voyi tra Indiana oceano, exemple de la 9ma til la 13ma yarcenti, kande ol esis chef-urbo di samnoma sultanio. Lua maxima prospereso eventis de la 14ma til la 15ma yarcenti. Tradicionale, ol esis importanta komercala e financala centro ante l'interna milito, eventinta en Somalia dum la yari 1990a e 2000a. Pos la pacigo en 2011, l'urbo duris kreskar.
L'universitato di Mogadishu, privata, inauguresis en 1997. Ol esas un ek la maxim importanta universitati de Somalia, kune la publika Universitato Nacionala Somaliana e l'Universitato Benadir, privata, inaugurita en 2002, ambe en Mogadishu.
GeografioRedaktar
.jpg)
Mogadishu jacas an l'administrala regiono Banaadir. Lua reliefo esas preske plana. La fluvio Shebelle, qua naskas en Etiopia e distas adminime 30 kilometri del urbo, furnisas aquo por kultivo di sukrokano, kotono e banani.
La klimato dil urbo esas multe sika, malgre l'urbo jacas proxim l'Equatoro. Ol klasifikesas kom mi-arida klimato (Bsh segun la klimatala klasifikuro da Köppen). La mezavalora temperaturi monatala varias poke dum la yaro, de adminime 25,4°C en julio til admaxime 28,9°C en aprilo.
La pluvoza sezono iras de aprilo til novembro. La mezavalora yarala pluvo-quanto esas 428 mm, e la maxim pluvoza monato esas junio, kun mezavalore 82 mm. De decembro til marto pluvas preske nulo.