Miguel Alcubierre

Miguel Alcubierre Moya (naskinta ye la 28ma di marto 1964) en México esas ciencisto pri teoriala fiziko.

Il obtenis sua doktoreso che Universitato di Cardiff en 1994.

Kande il livis Wals en 1996, il laboris dum kelka tempo che Instituto Max Planck pri gravitado en Potsdam, Germania, ube il developis nova matematikala tekniki por deskriptar la fiziko pri nigra trui. Depos 2002, il laboras en Instituto pri Nukleara Cienci dil Universitato Nacionala Autonoma di Mexikia (UNAM), ube il koordinas inquestado pri la numerala relativeso, esforco por uzar superkomputori por formulizar e solvar kelka equacioni formulizita da Albert Einstein.

Miguel Alcubierre esas plu konocata pro developir matematikala modelo, nomizita "la salto di Alcubierre", qua posibligus voyajar plu rapide kam la lumo sen violacar la fizikala principo qua mencionas ke nulo povas superirar la rapideso di la lumo. Segun dicas Alcubierre ipsa, il pensis pri ca ideo dum ke il vidis la programo di televiziono pri ciencala fiktivajo "Stelala Voyajo" (Star Trek).